جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

يوسف الحسيني: عائلتي لا تُخرج جاسوس يا سفلة

الاثنين 24 يونية 2013 | 09:36 مساءً
القاهرة - Gololy
530
يوسف الحسيني: عائلتي لا تُخرج جاسوس يا سفلة

استنكر الإعلامي المصري يوسف الحسيني اتهام بعض الإسلاميين له بأنه جاسوس ويعمل بالتخابر لصالح دول أجنبية، مشيرا إلى أنه نشأ في أسرة متوسطة، فضلت أن تعيش في هذا المستوى عن الحصول على رشوة.

الحسيني قال: «أنا راجل اسمي يوسف مصطفى الحسيني، وأمي اسمها تحية عبد الوهاب، أمي دي فضلت بعربية 128 لمدة 25 سنة، معندناش فلوس، طبقة متوسطة عادية خالص، أبويا اشتغل كتير وجاب فلوس كتير وصرفها كلها وهو عايش على كل الناس اللي حواليه».

وأضاف: «أمي دي بقى شقيت علينا كلنا، أختي الأصغر مني فضلت 15 سنة بتشتغل في إدارات الإئتمان في البنوك، ولما ما يكونش معاها فلوس كانت تعمل جمعيات، في حين إنها كان ممكن تاخد رشوة، أخونا الأكبر مني اسمه هاني أستاذ في الجامعة معندهوش أي حاجة غير مرتبه، وأختنا الكبيرة بسمة جزء من حركة التنوير والتثقيف في هذا الوطن».

واختتم حديثه -في برنامجه «السادة المحترمون» على قناة «أون تي في»- بقوله: «العائلة دي ما تطلعش جاسوس يا سفلة.. ما يطلعوش حد بيتخابر على بلده، إنتوا اللي بتتخابروا، يا جواسيس يا بائعي الوطن، يا بائعي الأعراض».