باسم يوسف يعد بتذكير الجمهور بجهاز علاج الإيدز في كل حلقة

خصص الإعلامي المصري الساخر باسم يوسف فقرة من حلقة أمس من برنامجه «البرنامج» للسخرية من جهاز القوات المسلحة لعلاج الإيدز وفيروس «سي».

باسم قال ساخرا: «ما ينفعش كل ما يبقى عندنا إنجاز نقعد نشكك ونفعص فيه، في ناس بتشتغل وتتعب عشان خاطر مصر، مصر بخير، مصر بلد الإنجازات.. أحيانا العلم بيفاجأنا، يعني أنا كدكتور اتفاجأت، كل شيء جايز حتى الهوا في أزايز».

باسم وعد بأنه سيذكر الجمهور بهذا الجهاز في كل حلقة من برنامجه، إلى أن يفوا بوعودهم ويعالجوا المرضى، حيث قال: «إنك تدي وعد للملايين في مصر ومئات الملايين في العالم إنك هتعالجهم من الإيدز وفيروس سي، فقبل ما تيجوا تتهمونا إننا بنهين الإنجاز والاختراع، شوفوا الأول اللي وعدوا، الوعد اللي اتقال على لسان أكبر مؤسسة في مصر لو ما تحققش في 30/6 فعلا، يبقى المفروض كل الدكاترة وكل الإعلاميين اللي روجوا للجهاز ده يتحاسبوا، لغاية الوعد ده ما يتحقق، أنا هفكر الناس باللي حصل ده كل أسبوع لغاية لما يحصل رد فعل محترم».