نور عبد الله تفقد أعصابها بعد واقعة تحرش التحرير الأخيرة

انفعلت الشاعرة المصرية نور عبد الله بشدة أثناء تعليقها على حالات التحرش التي وقعت بالأمس في ميدان التحرير، خلال الاحتفالات بتنصيب عبد الفتاح السيسي، رئيسا لمصر.

نور استنكرت بحث البعض على فيديوهات التحرش لمشاهدتها، حيث كتبت – على حسابها الخاص على موقع «الفيس بوك»-: «أنا مش قادرة ولا قابلة فكرة أنى أدور على فيديو حادثة التحرش والاغتصاب اللي كل الناس بتتكلم عنها من أمبارح إيه الهمجية والقرف اللي وصلنالهم دول؟؟؟.. دلالة منتهى قذارة النفوس والعقول...اكتر شعب بيتحرش وفنه بقى تحرش ولبسه بقى تحرش ولغته كلها الشفهية او الجسدية بقت تحرش..هو اكتر شعب تليفزيوناته مليانة بإعلانات المنشطات.. تحرش ومنشطات.. تناقض يقرف.. يعنى هو مبدأ.. الجعان يحلم بسوق العيش».

ووجهت رسالة للفتيات والنساء، بقولها: «اللى يتحرش بيكى اتحرشى بحياته كلها محضر وقضية وافضحيه خليهم يمشوا غاضين البصر دمريه إن استطعتي ولو لقيتى حد بيهبط من عزيمتك أو بيقولك المسامح كريم قوليله ابقى سامح أنت في أمك يا حبيبي.. وإن قالولك شكلك وصورتك قوليلهم يعنى شكلي وحش وأنا رافضة التحرش إنما شكلى كيوت وانا قابلة ومصهينة؟؟.. أكيد أمك شكلها وصورتها زى الفل.. أدي العالم كله بالجزمة وما تقبليش حد يتعدى عليكى ولو بنظرة.. وما تستغربيش ولا تهتمي بسلبية حد.. هو في ناس كدا النطاعة عندهم هواية...اوعي انتى تستنطعى مع نفسك».