لميس الحديدي: هفضل أطارد التحرش

أبدت الإعلامية المصرية لميس الحديدي استيائها الشديد من حالات التحرش التي وقعت أول أمس بميدان التحرير، خلال الاحتفالات بتنصيب عبد الفتاح السيسي رئيسا لمصر.

لميس أكدت على أهمية التربية للحد من هذا الأمر، حيث قالت –في برنامجها «هنا العاصمة» على قناة «CBC»-: «الأهم إننا نربي ولادنا، القانون مش هيربي، القانون صحيح هيكون رادع، لكن الأهم هنربي الولاد في البيت إزاي».

وتعجبت من عدم قيام الرجال في الشارع المصري بالدفاع عن المتحرش بها، حيث قالت: «أي واحدة في الشارع تنتهك عادي جدا، هي راحت فين الرجولة؟، هو إحنا ننزل الانتخابات ونقف طوابير، وتقعدوا تقولوا قوة المرأة وأهمية المرأة، لكن المرأة جسد تنتهك، وتاخد أقل مقاعد في البرلمان، وتاخد أقل مرتب، علشان بتخلف وبتولد وبترضع وبتقعد في البيت».

وتابعت: «إحنا جزء مهم من المجتمع، ولو أنا بمثل نصف الكتلة الناخبة، فأنا ليا حقوق في هذا المجتمع، ولن نقبل بقضية التحرش، ولو البرنامج ده مورهوش غير إننا نطارد قضية التحرش، إحنا مش عايزين نعمل حاجة تانية خالص، ده همنا الأساسي في المرحلة المقبلة، إن المرأة تاخد حقها».