جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

نوارة نجم: السيسي هو المسئول عن موت العساكر

الاثنين 21 يوليو 2014 | 03:13 مساءً
القاهرة- سارة إبراهيم
288
نوارة نجم: السيسي هو المسئول عن موت العساكر

أبدت الكاتبة الصحفية والناشطة السياسية نوارة نجم تعجبها من مهاجمة البعض للنشطاء السياسيين بعد مقتل 22 جندي في حادث «الفرافرة»، الذي وقع السبت الماضي، مشيرة إلى أن المسئول الأول عن هذا الحادث هو الرئيس عبد الفتاح السيسي.

نوارة كتبت -على حسابها الخاص على موقع «الفيس بوك»-: «مش مصدقة ناس بتقول: فين النوشتاء من ال15 عسكري اللي ماتوا؟ وإحنا حنعمل لهم إيه؟ ما تجوم تطمن على رئيسك.. هو دلوقت ده مش جاي من اجل الأمن والأمان؟ لما العساكر يتقتلوا فطيس كده يبقى الأمن والأمان أتحقق؟».

وأضافت: «ولا قاعدين تقولوا له اقتل وافرم واقفل واهرس وأخرتها الناس تموت فطيس كده عشان الفرم ما بيحميش بلد ودايما عندكوا حول وبتدوروا على الحيطة المايلة؟ ما تدوروا على اللي في أيده يسلح العساكر ويأمنهم بدل ما كل شوية يموتوا.. انتوا عايزين العساكر تفضل تموت عشان تفضلوا تقولوا فين النشطاء؟».

وتابعت: «فرحانين بنفسكوا كده وانتوا كل شوية تكتبوا: اللهم ارحم جنودنا.. والسيسي يبوس ابهاتهم وخلاص؟ مافيش محاسبة.. عليا النعمة من نعمة ربي مبسوطين بموت العساكر دي انتوا واللي بتهللوا له عشان تصفوا حسابات سياسية.. انتوا عايزين العساكر تفضل تموت كده عشان يبقى مسوغ للقمع وبرضه ما بيبطلش العساكر تموت».