محمود سعد: سبتوا المغزى الحقيقي ومسكتوا في قميص النوم؟!.. فيديو

بعد موجة الهجوم الذي تعرض لها الإعلامي المصري محمود سعد، بعد تصريحاته الأخيرة، والتي قل فيها إن المصريين زمان كانوا يقفون في «البلكونة» بالملابس الداخلية ويشربون البيرة، وعلى الرغم من ذلك كانوا متدينين، على حد قوله.

سعد قال –في برنامجه «آخر النهار» على قناة «النهار»-: «سابوا المغزى الحقيقي من كلامي ومسكوا في قميص النوم، أنا كنت بقول إن هذا كان يحدث وده كان يديلك انطباع إن المجتمع أخلاقه مش ولابد، لكنهم كانوا على أحسن ما يكون من حيث الأخلاق، النهاردة بقى حصل العكس، الشكل يوحي إنهم ملائكة، حجاب ونقاب ودقون وذبية صلاة، لكن روحله يخلص ورقك في مصلحة، لازم ياخد رشوة، مش ده بيحص ولا أنا بألّف؟!».

يذكر أن محمود سعد قد ترحم على المواطن المصري القديم، في حلقة سابقة من برنامجه، حيث قال: «إيه اللي جرى لشخصية المواطن؟!، فاكرين المواطن المصري بتاع زمان؟، اللي كان يقعد في البلكونة بالفانلة الداخلية، والمدام جمبه بقميص النوم، وكانوا يقعدوا يلعبوا كوتشينة ويشربوا بيرة، بس كانوا متدينين ويعرفوا ربنا كويس أوي».