جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

أكرم حسني يسترجع ذكريات دراسته ويكشف أهم ما تعلمه.. فيديو

الاحد 21 سبتمبر 2014 | 12:54 مساءً
القاهرة- Gololy
970
أكرم حسني يسترجع ذكريات دراسته ويكشف أهم ما تعلمه.. فيديو

مع حلول العام الدراسي الجديد، أسترجع الإعلامي المصري أكرم حسني، متقمصا شخصية «سيد أبو حفيظة»، ذكريات دراسته، والتي يشترك فيها أغلب الطلاب المصريين.

أبو حفيظة قال –في برنامجه «أسعد الله مساءكم من جديد» على قناة «MBC مصر»-: «على الرغم من كل مساوئ تجربتنا المصرية في التعليم، إلا أنه كان لها زمان طعم مميز وجانب إنساني بيثير فيا أنا شخصيا الشجن لما بقعد أفتكر التفاصيل اللي يمكن اختفت دلوقتي».

وبدأ في سرد ذكرياته، مشيرا إلى أنه تعلم الكثير من الأشياء خلال مراحل تعليمه، حيث قال: «الخناق: الخناق على مين هيقعد في الديسك الأولاني، الإنجاز: إنجازك وأنت بتجلد العربي بالجلاد البني والإنجليزي بالأحمر والعلوم بالأخضر، الإحساس بالتنوع: وانت بتشتري كراسة مربعات نص ملي علشان الهندسة وكشكول صفحة وصفحة علشان الجغرافيا».

وأضاف: «أول مبادئ التجارة المتمثلة في المقايضة: لما بتبدل سندوتش الجبنة الرومي بتاعتك بسندوتش الكفتة بتاع صاحبك، مبادئ الاقتصاد: لما كنت بتجيب من الكانتين فطيرة وكيس شيبسي وتفضي الكيس على الفطيرة وتبرم وتاكل، التكافل الاجتماعي: لما تتخانق مع طلبة أكبر منك وتروح تجيب قريبك اللي في ثانوي علشان يضربه، الخبث السياسي: لما كنت تتخانق مع أصحابك ويمسكوا شنطتك ويجوا يرموها على الأرض تقولهم ده فيها كتاب دين».

ثم قام بطرح أغنية «ذكريات مدرستنا» على أنغام الأغنية الدعائية «فاكر أيام لمتنا»، وتقول كلماتها: «فاكر أيام ما سقطنا.. خدنا دروس عربي وألماني.. وأخدنا كمان في الماس.. واتبلد فينا الإحساس.. وأبلة ناهد شتمتنا».