شريف مدكور: ببقى مبسوط وأنا بتفتش.. فيديو

استنكر الإعلامي المصري شريف مدكور انزعاج بعض طلاب الجامعة عند تفتيشهم قبل دخول الحرم الجامعي.

شريف وجه لهم رسالة، في برنامجه «ساعة مع شريف» على قناة  «المحور»، قائلا: «حبايبي هو أنتوا مش حاسين باللي كان بيحصل السنة اللي فاتت؟!، هو انتوا مش عايزين تدخلوا جوه في أمان وسلام؟!، وبعدين حضراتكم بتقفوا قدام السينما طابور طويل عريض، أقفوا طابور علشان تبقوا آمنين جوه».

وأضاف أنه يتم تفتيشه يوميا عند دخوله مدينة الإنتاج الإعلامي، مؤكدا أنه لا ينزعج بل على العكس يكون سعيد بهذا الإجراء، حيث قال: «بنتفتش كل يوم، وشنطة عربيتي بتتفتح، وأنا ببقى مبسوط أنهم بيعملوا كده، لأن ده لأمننا إحنا».

يذكر أنه يتم تفتيش الطلاب قبل دخولهم الحرم الجامعي، حرصا على الأمن، ولمنع حدوث أي شغب عن طريق استخدام أسلحة أو مواد متفجرة.