جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

دليل أبو حفيظة للتعرف على «سائق الميكروباص» بدون معلم.. فيديو

الاثنين 20 أكتوبر 2014 | 02:32 صباحاً
القاهرة- Gololy
608
دليل أبو حفيظة للتعرف على «سائق الميكروباص» بدون معلم.. فيديو

سخر الإعلامي المصري أكرم حسني، متقمصا شخصية «سيد أبو حفيظة» من سائقي الميكروباصات، مؤكدا أن كل شخص منا ممكن أن يكون بداخله سائق ميكروباص صغير.

أبو حفيظة قال، في برنامجه «أسعد الله مساءكم من جديد» على قناة «MBC مصر»: «ممكن تكتشف أن أقرب الناس ليك سواق ميكروباص وأنت متعرفش»، ثم قام بتقديم دليل للتعرف على «سائق الميكروباص» بدون معلم:

1-    ابنك لما بياخد منك فلوس علشان يجيب حاجة وميرجعش الباقي، ده أكيد بيشتغل سواق ميكروباص من وراك.

2-    لما كل شوية باباك يفكرك تقفل باب التلاجة، ولما تقفله يقولك "ما براحة على الباب"، شك ساعتها أنه سواق ميكروباص بس مخبي عليكوا.

3-    وتتأكد فعلا أن أبوك سواق ميكروباص، لما تقوله يا بابا أنا نازل ويقولك نازل فين؟

4-    وعلشان تتأكد أكتر إن أبوك سواق ميكروباص، لما تيجي تقعد جمبه وهو بيتفرج على ماتش، يقولك "خلاص هنا الكنبة فاضية ورا".

5-    صاحبك اللي بيكون الهارد بتاع الكمبيوتر بتاعه اتملا وهو لسة برضو بيحمل عليه، أهو ده سواق ميكروباص.

6-    الطفل الرخم اللي بيطلع الزحليقة بالعكس، ويطلع السلم الكهربائي بالعكس، أهو ده إن شاء الله لما يكبر هيشتغل سواق ميكروباص.

7-    اللي بيكتب على كارت سبوع بنته "لا تقولي دهب ولا ماس مولودنا أغلى الناس"، ده سواق ميكروباص ابن سواق ميكروباص.

8-    صاحبك اللي قرفك على «الفيس بوك»، وكل شوية يكتب كلام من نوعية "تألمت فتعلمت فتغيرت"، ده شغال سواق ميكروباص.

9-    عارفين في فيلم تايتنك لما جاك بيعلم روز إزاي تتف، ده كان بيأهلها تبقى سواقة ميكروباص.

10-    وطبعا سواق تيتانك اللي خبط في الجبل كان سواق ميكروباص وش.

11-    عارفين أوكا وأورتيجا أهو دول سواقين ميكروباصات.