خيري رمضان: إحنا وحشين.. فيديو

انتقد الإعلامي المصري خيري رمضان قيام بعض الإعلاميين والمواقع الإلكترونية بعرض فيديوهات «عنتيل الغربية».

خيري قال –في برنامجه «ممكن» على قناة «CBC»-: «كل بنت من اللي أنت قاعد تتفرج عليها لها أب وأخ وأم وأبن، عاصية يا أخي ألا سترتموها، كل المواقع والبرامج قاعدة تجيب صور العنتيل؟! ده مهم إننا نتكلم في أعراض الناس وفي فضح الناس وفي كشف العورات؟!».

واستنكر عدم انتقاد الإعلاميين للذي سرب هذه الفيديوهات، حيث قال: «مسمعتش حد بيقول شوفتوا الواطي اللي سرب الفيديوهات بعد ما حاول يبتز الرجل بها، محدش سأل إحنا ليه وصلنا للمستوى ده وبقينا نفرح في الفضيحة، ومين فوضنا علشان نفضحهم؟، إحنا بوظنا وبقينا وحشين، ونحن أصحاب هذه المهنة نساهم في هذه الحقارة، كلنا إيدينا غرقانة في الدم، فلازم نراجع أنفسنا ونشوف أولويتنا مرة تانية».

وكانت فيديوهات فاضحة انتشرت مؤخرا، نسبت إلى شخصية عرفت إعلاميًا بـ «عنتيل الغربية»، والتي مارس فيها الرذيلة مع 12 سيدة بمحافظة الغربية ومنهم فتيات تحت سن 16 سنة.