مداخلة كوميدية لباسم يوسف مع محمود سعد على الهواء.. فيديو

أجرى الإعلامي المصري الساخر باسم يوسف مداخلة هاتفية مع الإعلامي محمود سعد، في برنامجه «آخر النهار»، وذلك خلال استضافته الفنان شادي ألفونس، أحد أعضاء فريق باسم، للحديث عن فيلمه الجديد «من ألف إلى باء».

باسم بدأ مداخلته بطريقة كوميدية، حيث قال: «مين معايا؟»، فرد محمود سعد مازحا: «المطافي؟.. إحنا هنسيبك تقدم لنا الأستاذ شادي ألفونس»، فقال باسم: «والله مش عارف.. إيه التلبيسة دي.. فيلم شادي الجديد رائع جدا.. وأداء شادي أبهرني».

وبدأ يسرد مشاهد غير موجودة في الفيلم، قائلا: «في ماستر سين في الفيلم ده ياريت الناس كلها تاخد بالها منه، خصوصا لما شادي عرف إن خاله مات كل المشاعر اللي كانت في المشهد ده رائعة جدا، ولما الديناصور وصل في الآخر كان مشهد رائع، وده من أحسن الأفلام اللي شوفتها لشادي الحقيقة».

فرد سعد قائلا: «واضح إنك شوفت فيلم تاني.. مش الأخ باسم يوسف برضو ولا أنت مين؟.. مفيش فايدة.. هذا هو باسم يوسف»، وقال له شادي: «المهم دفعت فلوس ودخلت السينما؟»، فرد الإعلامي الساخر: «وأنا من إمتى بدفع فلوس في أي حاجة؟!».

وفي نهاية المكالمة وجه له سعد سؤالا حول نيته خوض تجربة التمثيل، فقال باسم: «يا باشا ربنا يعدينا من اللي إحنا فيه وبعدين نبقى نشوف.. أنتوا بتتكلموا في إيه بس؟!».