حمزة نمرة يخرج عن صمته ويكشف حقيقة فصله من الموسيقيين

بعد تداول كثير من الأنباء التي تفيد بقيام نقابة الموسيقيين المصريين بشطب المطرب حمزة نمرة بسبب أغانيه التي اعتبرتها النقابة ضد النظام، خرج حمزة عن صمته أخيراً ليوضح الحقيقة.

المطرب الشاب أصدر بياناً عبر صفحته الرسمية على موقع التواصل الاجتماعي "فيس بوك" أعرب فيه عن إمتنانه وإعتزازه بحب الجمهور العريض ودفاعه عنه.

كما وجه النجم المصري حمزة نمرة رسالة شكر إلى الفنان المصري مصطفى كامل قائلا :"عايز أقول لكم كام حاجة كده.. أنا باشكر كل حد وقف جنبي في اللي حصل ده..مفيش حاجة هتقدر تعبر عن حبي ليكم يا جدعان..أنا ربنا كرمني بيكم ويارب دايماً أفضل عند حسن ظنكم. وكل واحد رغم اختلافه معايا ما منعوش الاختلاف إنه ينصفني..أنتم على راسي من فوق والله".

وتابع : "شكر أ/مصطفى كامل لتوضيحه موقف النقابة.وده أفضل رد ع الكلام العجيب اللي اتقال عني الأيام اللي فاتت اللي مالوش أي أساس من الصحة ..وربنا يعلم أنا عمري ما غلطت في حق حد ولا أسأت لحد..حتى لو حد ظلمني..بأسكت وما بأدخلش في أي سجالات أو معارك لأن دي طبيعتي..اللي هيبقى للإنسان هو السمعة الحسنة..ربنا يكتبها لنا جميعا"

حمزة اختتم بيانه "وأخيرا..أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم".