جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

خطأ على الهواء يوقع هاني المسيري في ورطة مع زوجته.. فيديو

الاربعاء 04 مارس 2015 | 03:01 مساءً
القاهرة - Gololy
803
خطأ على الهواء يوقع هاني المسيري في ورطة مع زوجته.. فيديو

دافع محافظ الإسكندرية، هاني المسيري، عن زوجته الدكتورة أميرة أبو طالب، بعد الانتقادات التي وجهت لها، لمرافقتها له في الاجتماعات الرسمية، والجوالات الخارجية، بالإضافة لتفقدها قصور الثقافة بدلا منه.

المسيري قال –خلال استضافته في برنامج «العاصمة الثانية» على قناة «الإسكندرية»-: «هي لم تنوب عني في قصور الثقافة.. هل في دليل على حاجة زي كده؟، هي كانت موجودة زيها زي ناس كتيرة كانت موجودة، هي شخص في المجتمع بيحاول يساعد».

وأضاف: «إحنا عايزين نسأل السؤال الأكبر هل إحنا عايزين المرأة تشتغل أم لا؟.. كل الأيادي لازم تشتغل لمصر فورا، مصر في حاجة لكل إيد، مقدرش علشان إبن حضرتك أو مرات فلان أقول لأ».

وتابع: «هو في أجر في الموضوع؟!.. اللي معاه عقد لوسمحتوا يطلعه علشان أخد إجراء»، وأكد أنه مؤمن بدور المرأة وأن مبادئه لن تتغير لكونه أصبح محافظ الإسكندرية، حيث قال: «المرأة دعامة المجتمع، وأنا جاي علشان أكون بنفس شخصيتي لن أتغير، أنا جاي علشان أعمل الصح وأعمل استنارة، ونوري للناس إن كل واحد لازم يساعد في الوقت الحالي».

وأكد أنه حريص على دولة القانون ولن يقوم بعمل أي استثناء، حيث قال: «مش معقول أول حاجة أعملها إني اكسر القانون مش أنا ولا أي حد أعرفه من الممكن أن يكون بهذه السذاجة»، ثم أخطأ في اسم زوجته في معرض حديثه، حيث قال: «أنا متأكد إن مراتي أو الدكتورة نعيمة أبو طالب»، إلا أنه تدارك الخطأ مسرعا: «الدكتورة أميرة أبو طالب معملتش حاجة زي كده».