منى زكي تحقق حلم معجبة.. شاهد

حققت الفنانة المصرية منى زكي حلم راود فتاة متخرجة من كلية الإعلام لسنوات طويلة، وهو أن تقابلها وتتحدث معها.

رحاب هاني نشرت صورة لها مع الفنانة منى زكي على حسابها عبر «فيس بوك»، وقصت ما حدث لها أثناء مقابلتها، وقالت: «أول ما دخلت قسم صحافة و بدأت شغل؛ كان من البديهيات أني اشتغل في قسم الفن وده ببساطة راجع لحبي الشديد ليه -الواضح غالبا- ده غير أني كنت في عائلة منقوعة في الفن فكان ده التطور الطبيعي للحاجة الساقعة وعليه أنا عايزاك تفكر في اسم أي فنان  فنانة هتلاقيني يا إما كلمته ، خدت منه تصريح ، حوار ... الخ !إلا هي».

معجبة منى أكملت حديثها وقالت: «أنا مش عايزة أتكلم في البوست ده عنها كممثلة بس أنا عايزة احكي عن الإنسانة اللي النهارده قابلتها !دخلت عليها وأنا محرجة جدا عرفتها بنفسي وبعدين فكرتها بمقالة كنت كتبتها عن أسوار القمر و صديق مشترك بعتهالها وهي بعتتلي معاه رسالة في منتهى الذوق و الجمال لاقيتها بتضحكلي أوي وبتلقائية بتقولي مش ممكن دي أنتي ده أنتي رفعتي معنوياتي اقعدي اقعدي قعدت وانجرفت في مشاعري.. أصل دي منى -الغالية- قولتلها أنا أسفه على تطفلي بس بعد أكتر من ١٣ سنة كان لازم أصارحك بحبي قعدت تضحك و بعدين أديتها رواية «كلام_فاضي» قعدت تقولي "تصدقي كنت مش لاقيه حاجة أقراها، ممكن أما أخلصه أبقى أقولك رأيي؟ وأنا اللي هو هيجيلي غيبوبة سكر فعلا وبعدين قعدنا أتكلمنا شوية وفي الآخر طلبت منها ناخد صورة عشان أوثق اللحظة دي وانتهى لقائي بالعزيزة "منى زكي" عشان اقعد أراجع ناس كتير قابلتهم في نص موهبتها ولو صح التعبير نجوميتها و انفين آخر حاجة .... عشان أوصل لنفس النتيجة إن البني آدم اللي رجليه على الأرض اللي تربيته صح هيفضل "إنسان" متواضع مهما وصل أو نجح..

النهاردة أنا قابلت حلم من أحلامي و طلعت أجمل أجمل -إنسانة- في الحقيقة».