تعرف على قصة زواج دينا رامز وطارق علام «بدون مونتاج».. فيديو

روت الإعلامية المصرية دينا رامز قصة تعارفها وزواجها من الإعلامي طارق علام، مشيرة إلى أن «بطة» كانت سبب تعارفهما.

دينا قالت: «أول مرة أشوف طارق وجها لوجه كان في رمضان، وكان عندي شيفت هوا قبل الفطار، فجيه حاول يعزمني أنا وزميلتي الإعلامية ناهد سالم، فقالي إحنا جايبين بط تاكلي، فقولتله أنا مبحبهوش، فقالي طب عندنا وز فقولتله برضو مبحبهوش».

وأضافت، خلال استضافتها وزوجها ببرنامج «معكم» على قناة «CBC»: «فناهد قالتلي أنا عايزة بط، ممكن تجيبيلي صدر بطة، فرحت قولتله لو سمحت عايزة صدر بطة علشان مدام ناهد، فقالي آه ما كان من الأول، وعملني مضحكة العزومة».

فرد علام بأنها كانت أول بطة وآخر بطة، وروى موقف طريف كشف عن فشل زوجته في الطبخ، حيث قال: «كنت جايب بطة من الشرقية عندنا، وقولتلها أعمليهالي، خرجت وجيت لقيت حاجة بني كده، فربط دماغي ولطمت على وشي زي سمير غانم في مسرحية المتزوجون».