محمد صبحى يعتذر لأطفال مصر والعرب

تصدر النجم المصري الكبير محمد صبحى، تريند الكلمات الأكثر بحثا وتداولا على موقع التواصل الاجتماعى تويتر، وذلك بعدما قدم أول أمس حلقة إنسانية ضمن برنامجه أعزائى المشاهدين مفيش مشكلة خالص، على فضائية cbc حيث استضاف صبحى طفلا من أطفال الشوارع ويدعى آدم.

وقال النجم المصري في برنامجه : هناك أشخاص تتعامل مع الأطفال كأنهم أتب فى ظهرهم هيتخلصوا منهم لما يكبروا.

صبحي تابع : زمان تأثرنا لما محمد الدرة اتقتل بخسة وندالة وآسفين أكتر من الدرة لإيلان الكردى السورى حصلنا إيه وفى ألف درة من ولادنا بيموتوا كل يوم فى العراق وسوريا وفلسطين كأن كتب على دررنا ان تنفرط من العقد وتموت، والكارثة الكبرى الاطفال من 15 سنة اللى الغرب بيشتريهم ويجندهم ويعلمهم الإرهاب ويهينوا الاسلام البعيد عن كل هذا، لازم كل طفل يأخد حقه من حقوق الإنسانية.

واستكمل الفنان المصري: الاعتذار واجب للطفل المصرى، إحنا آسفين لما نعاقب طفل لما يشتم رغم إننا بنشتم عادى، قولنالك لازم تعمل اللى بتحبة وتلاقينا ندخلك لما تكبر الكلية اللى احنا بنحبها، إحنا آسفين بنقلك لابد من احترام النظام وكل مكان نروحة نتعرف على المدير عشان لا نتبع النظام، هننتظر ايه من طفل ابوه يضربة بقسوة مبررا انه يربيه او مدرس مريض يمارس مع الطفل كل وسائل التعذيب، وارد اننا نجد هذا الطفل يضرب كلب او قطة لأنه لا يتربى على الرحمة، ولما يكبر هيعمل إية مع الإنسان اللى مثله.