حنان مطاوع تنتقد تصرف أحمد مالك وتشيد باعتذاره

أعلنت الفنانة المصرية حنان مطاوع، رفضها لتصرف الفنان الشاب أحمد مالك مع جنود الأمن المركزي، في ميدان التحرير.

حنان مطاوع قالت عبر صفحتها الشخصية بموقع "فيس بوك": "أرفض وبشدة اللي عمله في التحرير بجد عيب وتجاوز..واحترم اعتذاره..الاعتذار لغة لا يفهمها إلا القادرون والصفح من شيم الرحمن".

يذكر أن أحمد مالك نشر اعتذار عبر صفحته الشخصية بموقع "فيس بوك"، قائلًا: "بعتذر بشده لكل شخص إساءة الفيديو و خاصه الشرطة. الفيديو فعلاً فيه تجاوزات لم أتوقع إنها تخرج بره دايرة الأصدقاء و ده مش مبرر علي الخطأ”.

وأضاف: “أنا عمري عشرين سنة و ساعات في السن ده الأفكار المتهورة بتسبق التفكير العقلاني و للأسف الغلطات دلوقتي بقت مسجلة و مصورة و ده بيديها عمر و حجم أكبر من حجمها الحقيقي … دي لحظة تهور و لحظة مش محسوبة و فعلاً ندمان عليها و حاولت مسحها و لكن كنت فوجئت أنها انتشرت قبل ما أقدر انقذ الموقف. يمكن الموقف ده كله نابع من إحباط عدم القدرة علي التعبير عن الرأي اللي جيلي حاسة الأيام دي بس برضه ده ميدينيش الحق أني أتجاوز أو أعبر عن رأيي بطريقة متجاوزه في حق الآخرين”.

وتابع: "اكتر حاجه مضايقاني انه هيتم استخدام اللحظة دي لتشويه الثوار و الثورة و مقدرش الوم حد في النقطة دي إلا نفسي اللي الإحباط عماها، أتمنى من الجميع انهم ميتعاملوش مع اللحظة دي علي إنها بتلخصني و يتعاملوا معاها إنها لحظه عابره لن تتكرر، مره آخري بعتذر".