شريف منير يهاجم مذيعة اتهمت السيسي بالفشل

هاجم الفنان المصري شريف منير الإعلامية عزة الحناوي مذيعة قناة «القاهرة» بالتليفزيون المصري بعدما قالته عن الرئيس عبدالفتاح السيسي، وانتقاده.

منير قال في مداخلة هاتفية لبرنامج «على مسئوليتي»: «محناش عارفين نلاحق على الفضائيات اللي عمالة تحبط وتقول كلام سلبي، ومش شايفة حاجة، وبعض الإعلاميين اللي عمالين يخبطوا، وأدينا ماشيين في طريقنا ، إنما مش هييجي كمان في التلفزيون المصري بتاعنا تطلع مذيعة وتتكلم بطريقة مفيهاش أي نوع من تقبل الأخر حتى مع الضيف اللي معاها».

الفنان المصري أضاف: «الطيارة طارت واللي مقدرش يطلع يقعد يلطم مع نفسه، ومش هينفع تلفزيون الدولة تطلع فيه ناس تحبط، واللي مبيشوفش يبقى أعمى، اللي مش شايف إن حواليه بيحصل إنجازات يبقى عمى».

يُذكر أن المذيعة عزة الحناوي أنهت برنامجها «أخبار القاهرة» بانتقاد سياسة الرئيس بقولها إنه لم ينفذ وعوده، وأمر عصام الأمير، رئيس اتحاد الإذاعة والتليفزيون بعمل لجنة لمشاهدة الحلقة لعمل تقرير مفصل عنها.