محمد عبدالوهاب لعادل إمام: أقدر أعمل حاجه لبواسير حضرتك ؟

تناول الفنان المصري الكبير عادل إمام، لأول مرة، موقف طريف حدث له مع موسيقار الأجيال والملحن الكبير محمد عبدالوهاب، وكان أول اتصال تليفونى تلقاه الزعيم من الملحن الكبير الراحل.

وجاء ذلك خلال ظهور النجم الكبير عادل إمام في أولى حلقات برنامج Yes, I'am Famous، السبت 12 مارس، على قناة MBC مصر.

وقال الزعيم أن عبدالوهاب كان ينتج له فيلم الهلفوت، ولسبب ما غاب عادل، عن أحد أيام التصوير فوجد هاتف منزله يدق وصوت مميز يعرفه جيدا يقول:

الأستاذ عادل إمام

فرد الزعيم : اهلا اهلا يا دكتور ازى حضرتك

فقال عبد الوهاب: والله يا استاذ عادل انا لسه عارف انك بعافية وقولت اتصل اطمأن عليك.

وهو نوع من اللوم الشديد التأدب من موسيقار الأجيال

فقال عادل إمام وقد فهم الرسالة: ربنا يخليك يا دكتور اه انا تعبان شوية

فرد عبد الوهاب: يا ترى عندك ايه

فقال عادل إمام: عندى البواسير يا دكتور

فقال عبد الوهاب: طيب دى بسيطة هقولك على وصفة هايلة، تروح للعطار تجيب بردقوش وعددا من الاعشاب وتغليهم وتشربهم على الريق

فرد الزعيم : حاضر يا دكتور هاعمل كده حالا .

فقال عبد الوهاب: يا ترى أنا اقدر أعمل أي حاجه لبواسير حضرتك ؟

فقال الزعيم وهو يرد الافيه: تقدر تلحنها يا دكتور