هنا شيحة تعليقًا على فرض ضريبة على التعليم الدولي: خلينا ساكتين

علقت الفنانة المصرية هنا شيحة، على مشروع القانون المقدم من وزارة المالية لمجلس النواب لفرض ضريبة إضافية على التعليم الدولي.

هنا شيحة، قالت في تدوينة عبر صفحتها الشخصية بموقع "فيس بوك": "ضريبة أية .. علي التعليم ؟؟؟ التعليم الدولي !!! انترناشونال يعني!؟ ماهو لو تعليم محلي محترم كنّا دخلنا فيه ولادنا !! إحنا مجبرين علي الدولي !!! وبعدين ضريبة بقي علي ايه ؟؟!، مصاريف المدارس !!! اه ه ه ه، علي أساس أن مصاريف المدارس بتتحسب ضمن المصاريف المقدمة للضرائب ؟؟!!".

وأضافت:" ولا مصاريف الأولاد ولا العلاج ولا إيجار البيت ولا أقساط العربية ولا الأكل والشرب إلا ما يخص العمل الفني (علشان انا ممثلة) !،بس لازم ندفع ضرائب علي الدخل السنوي اللي خلص قبل ما ييجي علي كل دول بس مصلحة الضرايب ملهاش فيه".

وتابعت: "طب عايزة تحطي ضريبة علي المدارس اللي إحنا بندفعها والي انتي مش معترفه بيها كجزء من دخلنا ليه؟، وبعدين فين الخدمات اللي بندفع ضرائب علشان ناخدها؟، فين التأمين الصحي المحترم؟، فين التعليم الجيد؟،فين الشوارع اللي مش مكسرة؟،خلونا ساكتين".