سماح أنور تكشف سر استرجالها في أعمالها السينمائية

كشفت الفنانة المصرية سماح أنور، عن سر قيامها بأعمال وصفها البعض بأنها رجولية مؤكدة أنها كانت تعبر عن حال سيدات كثيرات في المجتمع المصري.

سماح أنور، قالت عبر صفحتها الشخصية بموقع «فيس بوك»: «علي أيامي ... كانت الأنوثة طبيعية ... و الرجولة طبيعية.. و لما بدأت طريقي في الفن ..عبرت عن البنت اللي أنوثتها لا تتعارض مع عمليتها و اعتمادها علي نفسها في الدنيا ... اللي ممكن ساعة الجد تبقي هي الراجل اللي بتدافع عن حقها و بيتها و اسرتها ... و نجحت جدا مش علشان حاجة أهم من إن بنات و ستات كتير كانوا كده من زمان و ماحدش عبر عنهم في السينما و الدراما لحد ما انا جيت و عملت ده».

وأضافت: «خلعوا عليّ لقب البنت المسترجلة و كأنها شتيمة علشان ده كان نموذج لحد التسعينيات مش محبذ في الدراما لشكل الست ... يعني عايزينها لعوب ...أو مالهاش لازمة ... أو بتحب و تتحب و مشكلة عمرها دايما هي حاتتجوز اللي بتحبه و لا حاتتجوز واحد مفروض عليها».

وتابعت: «الإفيه العالي بقي .. إن الست المصرية بقت هي الراجل في العيلة و أصيب معظم الرجال بمتلازمة الإستئناث أو عدم المشاركة و السلبية المطلقة حتى في التفكير و اخذ القرار....في الوقت الحالي و اعتقد إن نوع الأدوار اللي أنا قدمتها منذ التمانينات تعبر و بشدة عن المرأة المصرية الآن أكثر من أيامي ...السؤال ... هو العيب في الست علشان استرجلت ؟ و لا العيب في الراجل اللي مش عايز يسترجل؟».