زوج دنيا سمير غانم يتعرض لحادث في الساحل الشمالي.. تعرف على التفاصيل
تعرض الإعلامي المصري رامي رضوان ، زوج الفنانة دنيا سمير غانم، لحادث سير غريب جدا، أثناء قيادته سيارته على طريق الساحل الشمالي.
رامي روى تفاصيل ما حدث معه، بقوله: «ماشي في أمان الله على طريق الساحل الشمالي متجها الى بعض الأصدقاء لقضاء بعض الوقت معهم.. وفي إحدى المناطق المظلمة..أستمع لبعض الموسيقى واتحدث في الهاتف مع أحد أصدقائي لمعرفة موقع تواجدهم بالتحديد.. واذ فجأة.. صوت إنفجااااااار غير طبيعي يضرب أذني ويرج السيارة رجة غير مفهومة ويضعني في حالة من الصدمة والإستغراب والتساؤلات التي لا حصر لها».
وأضاف: «فردة ضربت؟!.. لا مافيش اي خلل في الدركسيون الحمد لله ولا العربية ريحت في اي اتجاه.. حاجة ضربت جمب العربية؟! ابص في المرايات..ولا في اي حاجة وراه غير كحححححل.. يبقى ياخرطوشه يا دبشة/طوبة/زلطة؟.. كل ما مضى كان في ثواني قليلة.. وخلالهم تمسكت ومافكرتش في اي بديل عن اني أستمر في السواقة ولا اقف ابدا».
وتابع: «شوية وبدأت أسمع صوت هوا.. اوبا..كده يبقى ازاز!.. وصلت لأصدقائي نزلت من العربية ورحت ابص ايه اللي حصل..الازاز اتسرطن واتخرم خُرمين كبار شوية..فتحت ابص هل في بقايا بلي خرطوش..رش..تراب من طوبة..مالاقيتش غير كسر الإزاز اللي وقع..رجعت ابص على مكان الضربة..لاقيت خدش في الصاج من أثار هبدة طوبة على الأرجح».
ووجه نصائح لجمهوره، بقوله: «الخلاصة..خلي بالكم من نفسكم..مش هقول ماتمشيش متأخر..لان زيه زي البدري. لما الليل بينزل..مش فارق اوله من اهره غير في الونس على الطريق..وفي الساحل الحقيقة والمصايف بصفة عامة الشارع مابيهمدش.. ده غير انك لو ماشي الصبح ونصيبك تلبس طوبة (بعد الشر عنكم جميعا) فهتلبسها..المهم ماتفكرش تقف بالعربية وخليك مكمل لاقرب وأءمن مكان.. (ماكنش ياخد قرشين ويوفر عليا مشوار تصليح الإزاز ابن الموكوسه ده..عليه اللعنة)».
