أحمد حلمي يرد على اتهامه بالسخرية من محمد رمضان

رد الفنان المصري أحمد حلمي، على الأخبار التي نشرت مؤخرًا حول توجيهه رسالة إلى الفنان محمد رمضان بعد أن تباهي بشرائه سيارتين فارهتين وصل سعرهما إلى 8 مليون جنيه.

أحمد حلمي، قال عبر صفحته الشخصية بموقع  «فيس بوك»: «توضيح بسيط وسريع بخصوص ما حدث بعد نشر صورتي وأنا راكب العربية الميني القديمة اللي كانت معايا في فيلم «ظرف طارق»، أحزنني كثيرًا تفسير البعض أنني أنشرها بغرض توجيه رسالة لزميلي الفنان محمد رمضان».

وأضاف: «يا جماعة أنا لو عايز أوجه رساله لأي حد أعرفه كويس أو حتى معرفوش مش هاعمل كده عبر مواقع التواصل الاجتماعي، لأني عمري ما عملت كده أبدًا.. لأني ببساطة ممكن أبعت له رسالة على موبايله أو هاكلمه، أما الكلام اللي كان مكتوب تحت الصورة اللي كتير من الناس معرَفش إزاي بجد فسروه بالطريقة دي مع إنه فعلًا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا وليه علاقه بالعربية الميني».

ووجه حلمي، رسالة إلى رمضان قائلًا: «زميلي العزيز.. ربنا معاك ويوفقك دايمًا، وتحقق كل اللي نفسك فيه في حياتك الفنية».