أحمد داوود يتخلص من عقدة «الماندولين».. شاهد

كشف الفنان المصري أحمد داوود عن عقدة سببها له مدرس الموسيقى في طفولته، ولكنه استطاع أن يتخلص منها مؤخرًا.

داوود نشر صورة له على حسابه الشخصي عبر موقع «انستجرام» وهو يعزف على الجيتار وعلق قائلًا: «وانا في المدرسة كان نفسي أوي أتعلم جيتار، جيتار .. بس حظي الوحش وقعني في مدرس مزيكا واضح انه كان بيشتغل الشغلانة غصب عنه .. اول ما شفني قالي جيتار ايه اللي انت عايز تلعبه مينفعش، قلت له ليه حضرتك؟».

الفنان المصري اضاف: « قالي انت صوابعك صغيرة مش هينفع .. انت تلعب ماندولين .. واللي ميعرفش الماندولين هي اله ولا هي جيتار ولا هي عود هي حاجة كده شبه لعب الأطفال وعمري ما شفتها في اي حته بره المدرسة .. يعني الشيكولاته أشهر منها بكتيير .. وطبعا اتعقدت منها ومن المدرس ومن أوضة المزيكا كلها

انهاردة بدأت اول درس جيتار في حياتي .. والحمد لله المدرس قالي صوابعك حلوة وتنفع .. متحمس جدا ومبسوط بالتجربة».