جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

رنا سماحة وخطيبها يرويان قصة تعارفهما لأول مرة.. فيديو

الخميس 13 أكتوبر 2016 | 01:06 مساءً
القاهرة - Gololy
427
رنا سماحة وخطيبها يرويان قصة تعارفهما لأول مرة.. فيديو

حلت الفنانة المصرية رنا سماحة وخطيبها عازف الكمان أحمد مختار، ضيفين على برنامج «ست الحسن» على قناة ON E، في أول ظهور لهما بعد خطبتهما.

الفنانة المصرية وخطيبها رويا قصة تعارفهما لأول مرة، حيث قالت رنا: «الموضوع حصل فجأة ، إحنا كان عندنا حفلة في العين السخنة في العيد، فاتعرفنا على بعض، وبعد الحفلة مباشرة لاقينا الموضوع بيمشي لوحده».

مختار أضاف: «كنا نعرف بعض من زمان بس من بعيد لبعيد، لكن اتعرفنا بشكل قوي في الحفلة، وبعدها روحنا اتعشينا مع أصحابنا في كافية، فحسيت باهتمامها بيا، وأنا كمان حسيت بحاجة ناحيتها بس ماكنتش عارف ايه الإحساس ده، وبدأت أهتم بيها أنا كمان».

وتابع: «اهتمامها بيا لم يقلقني على الإطلاق بالعكس شوفت إنها إنسانة نضيفة جدا، وطريقة تعاملها مع الناس هي اللي لفتت نظري، هي بتتعامل مع كل الناس بحب جدا لكن أول ما يبقى في حد بيحول يغير مساره معاها بتتحول ومبتسمحش لحد بالتجاوز».

وعن كيفية طلبه الزواج منها، قال: «مرة كلمتها في التليفون وقولتلها: رنا أنا معجب بيكي، فمعرتش أقول إيه بعدها فقولت: رنا مش عايزة كمنجاتي معاكي في الفرقة؟.. وأنا أصلا مش بلعب في فرق خالص.. قالت لي: عايزة.. قولتلها: وهتبقوا مع بعض على طول.. قالت لي: ايوة.. وبعد كده حد من صحابنا قال إن احنا بنتكلم مع بعض زيادة عن اللزوم.. فقولت لرنا كلمي مامتك دلوقتي حالا وقوليلها أنا جاي يوم الاحد الجاي علشان أتقدملك واعلني ارتباطنا على الفيس بوك دلوقتي حالا».