أروى جودة توجه نصائح لجمهورها لمواجهة زيادة الأسعار

وجهت الفنانة المصرية أروى جودة عدد من النصائح لجمهورها لمواجهة أزمة زيادة الأسعار التي تشهدها مصر حاليا.

أروى قالت: «لو كنت من أبناء الطبقة المستقرة ماديا وخايف دلوقتي لحسن متطلبات حياتك تتأثر مع موجة التضخم وارتفاع الأسعار الحالية والقادمة فأنصحك بالآتي: لو كان عندك شغالة بتجيلك البيت - سواء بشكل يومي أو اسبوعي - زوّد راتبها 20 - 30 %.. البواب بتاعك زود الراتب بتاعه».

وأضافت، على حسابها على «تويتر»: «زود الصدقات الخفية (القرشين اللي بتديهم لبتاع الديليفري وانت بتحاسب ، عامل البنزينة ، الست بتاعة الخضار ، سواق التاكسي ، الأمن).. لو كنت بتتصدق بشكل دوري ، زود المبلغ 20 - 30 %».

وتابعت: «خلي بالك إن فيه طبقة كاملة من المجتمع نزلت تحت خط الفقر في يوم وليله !.. الفقير بقا أفقر ، والمسكين بقا فقير ، والمستور بقا مسكين (دخله لا يكفي كل احتياجاته) !.. الفقراء هم أول ناس بيصطدموا بموجات الغلاء دي !! زي الجنود اللي في الصف الأول !!».

واختتمت كلامها بقولها: «احنا داخلين على أيام صعبة ، وناس كتير جدا كانت مستورة هاتتكشف ! .. إنك تبذل أقصى جهدك عشان تحفظ "الستر" في بيوت الناس والأسر المتعففة ده عمل لا يعلم أجره إلا الله ، وهتشوف نتيجته في الدنيا قبل الآخرة.. إنت غالبا مش هتعرف تزوّد دخلك ، لكن سهل جدا تزوّد بركته».

يذكر أنه موجة غلاء قد ضربت البلاد بعد القرارات الاقتصادية التي اتخذتها الحكومة المصرية خلال الأيام الماضية من رفع الدعم وتعويم الجنيه المصري.