جولولي | بعد الانتقادات الحادة التي وجهت له.. مي كساب تدافع عن بطل فيلم «البر التاني»
  • شمس البارودي
  • كيم كاردشيان
  • عادل إمام
  • أبو بكر عزت
  • هيفاء وهبي
  • أنور إسماعيل
  • إسماعيل ياسين
  • سيرين عبد النور
  • شريهان
  • استيفان روستي
  • سعيد صالح
  • خالد صالح

القاهرة - Gololy

عبرت الفنانة المصرية مي كساب عن استيائها الشديد من الهجوم الحاد الذي تعرض له الفنان الشاب محمد علي، بطل فيلم «البر التاني».

مي قالت: «بصراحة موضوع محمد علي مستفز جدا جدا وخلاني افتكرت وفكرت في حاجات كتير قوي احنا أكتر ناس عندنا شيزوفرنيا وتناقض وازدواجية اه والله واحد انتج بفلوسه هوه وصرف كتير جدا عشان يعمل فيلم جامد مش فيلم تافه ولا فيه إسفاف بالعكس اختار موضوع مهم وحساس وعاوز يمثل بفلوسه انت مالك ايه اللي حارق حضرتك اخد من قوتك اخد من رزقك».

وأضافت: «انتو عالم غريبة قوي ما تشجعوه عشان ينتج تاني وتالت وان كان عنده غلطات وجهوه من غير ما تتفزلكو على أمه وانت مين ونورماندي وأي هري ويقولك ازاي يدخل المهرجان ايوه مايدخلوش ليه يعني ايه مبروك».

وتابعت: «المهم ان هما دول نفس الناس بيصقفو للباطل كتير وبيسكتو على مهازل بتحصل مش طبيعية مخرج مش مخرج وممثلة مش ممثلة وتكريم من غير تكريم وشلة بتشغل شلة وموهبين كتير مش واخدين حقهم وهما هما الناس دول شايفين كل ده وساكتين وبيصقفوله كمان لكن ازاي لازم بقى شوية الفزلكة الفاضية عشان الولد طيب ومالوش ضهر جت عليه».

واختتمت حديثها، على صفحتها الشخصية على موقع «الفيس بوك» بقولها: «والنبي بصو حواليكم وراعوا ضمائركم شوية هتلاقو 50 ألف حاجة غلط وبتصقفولها وبتنافقو عشان مصالحكم يوووووووه ده الواحد لو أتفتح فيكم مش هيسكت لنا الله».

يذكر أن فيلم «البر التاني» من إخراج علي إدريس وتأليف زينب عزيز، ويُشارك في بطولته عفاف شعيب وحنان سليمان، وإنتاج شركة “CREATIVO” و”دي إكس برودكشنز “بالتعاون مع “The Partner Barcelona” (إسبانيا)، وتقوم شركة الماسة للإنتاج الفني بتوزيعه في أنحاء العالم، بينما تتولي شركة MAD Solutions مهام تسويق الفيلم.



عدد التعليقات (0)

الاسم (مطلوب):

ما هو مجموع 6 + 7

السيرة الذاتية:

أخبار الرئيسية: