ابنة فيروز تكشف تفاصيل الحكم القضائي على والدتها

خرجت المخرجة اللبنانية ريما الرحباني عن صمتها، وردت على ما نشرته جريدة السفير اللبنانية حول صدور حكم قضائي على والدتها، النجمة اللبنانية فيروز، يلزمها بدفع أكثر من مليون دولار أمريكي لثلاثة أشخاص من لبنان وأمريكا، بسبب خلافها معهم حول حفل فني ضخم لفيروز في مقاطعة كونيتيكت الأمريكية.

ريما وصفت القضية برمتها بالفيلم الأمريكي الإسرائيلي في منشور عبر صفحتها الرسمية على موقع فيس بوك، حيث كتبت: «ده فيلم أميركي – إسرائيلي طويل... ما ممكن يتفبرك ويصير إلا بأميركا!!! وبرضو بس تحضرو ما بتصدّقو ع قد ما واضح إنّو مفبرك وركيك... إيه وصار! إيه والله».

وتابعت: «نحنا وعم نقدّم حفلات بأميركا سنة ٢٠٠٣ ظهر شخص فجأة ما منعرفو ولا بحياتنا شفناه وإدّعى إنّو معو وعد هوّي ياخد فيروز ع أميركا بحفلة!!! أَفندُم؟؟؟ وعد! من مين؟ وين؟ كيف؟ ليش؟؟ بموجب شو؟ من وين لوين!؟ إنت مين؟ ولا شي!! ربّك عليم.. وركّب من الكذبة قضيّة وكفّى الفيلم لحالو.. هوّي والأميركان طبعاً».

وأضافت في ختام حديثها: «وهلق بالـ ٢٠١٦ عم نتفاجأ بظهورو من جديد ليطبّق الحكم تبع الفيلم الأميركاني – الإسرائيلي بلبنان.. وتبلّغناه بالإعلام!! إيش ده!؟ نحنا فين!؟ ما بدّي فوت بتفاصيل ولا بدّي ساهم بالسكوبات.. ثقتي كبيرة بالقضاء اللبناني وحدو قادر يوضع حد لهالإفتراء والإبتزاز والتشهير.. والله كبير».