أول تعليق لإيمي سالم بعد طلاقها

انفصلت الفنانة المصرية إيمي سالم عن زوجها الفنان اللبناني غسان المولى، بعد خلافات حدثت بينهما.

وفي أول تعليق لها بعد الطلاق، كتبت إيمي، على حسابها على "الفيس بوك": "اولا.. احب اشكر ال 412 Missed call اللي جولي في خلال ساعتين و ال 1293 message.. ثانيا : كنت بفضل خبر انفصالي عن ابو اولادي ما يخدش الحجم الاوفر ده ... لا احنا اول ناس و لا اخر ناس تنفصل ... و مهما كان احنا عشره عشر سنوات نتج عنها ثلاث صبيان اللي لسه مايعرفوش خبر الانفصال في حين ان الوطن العربي كله عرف و ده حاجه مخلياني في غايه الاستياء".

وأضافت: "ثالثا" ارجو عدم التحدث في هذا الموضوع لان في مقوله بتقول ان البيوت اسرار.. بس و اضح ان المقوله دي عمرها الافتراضي خلص.. رابعا: مش من حق اي حد يعرف التفاصيل .... لانها المفروض حاجه شخصيه (المفروض).. خامسا: يا ريت الكلام يبقى علي قد اللي انا بكتبه و ما يخدش حجم اكبر من حجمه لمصلحه الغير .. و ما ننساش ان في اولاد في يوم من الايام هيقروا اي حاجه هتتكتب عن ابوهم و امهم ...فيا ريت نراعي ربنا في ده".

وتابعت: "سادسا: سيظل غسان عشره عمري و حبي الاول و ابو احلى ٣ ولاد فياريت لا حد يآلف ولا يبتكر سيناريو لسبب الطلاق .. لانه في الاول و في الاخر نصيب. .. و محدش عارف ربنا كاتب ايه.. سابعا: السوشيال ميديا نقمتها اكبر من نعمتها ... و يا ريت الناس تستخدمها في الاطار الصحيح لما صنعت له و ليس لضرر الغير.. ثامنا: ربنا يهديني و يهديه عشان خاطر الولاد قبل خاطرنا{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}".

وكان غسان مولى قد أعلن خبر انفصاله عن إيمي سالم على حسابه على «الفيس بوك»: «أعلن انفصالي عن زوجتي وصديقتي وأم أولادي إيمي، الطلاق الشرعي وقع اليوم، وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيب غسان المولى».