منة فضالي تهاجم شيرين عبدالوهاب

هاجمت الفنانة المصرية منة فضالي الفنانة شيرين عبدالوهاب مستنكرة إساءتها للفنان المصري عمرو دياب.

منة كتبت عبر «فيس بوك»: « طبعا أنا من عشاق صوت شيرين ولكن مش علشان نجامل أو نطبل لحد نغلط في الناس والناس اللطيفة اللي بتضحك أوي وللأسف هما زملاء مهنة بتضحكو علي إيه ؟، حتي لو مش في وعيك وفي مود تاني عيب عيب أوي أوي عمرو دياب أنتي اتربيتي علي أغانيه وكل الجيل اللي في سنك واللي بعدك».

منة فضالي أضافت: «راجعي نفسك انتي بتغلطي كتير أوي متنسيش أن الجمهور له دور قوي في نجاحك عمر الغلط ما حيفيدك بلعكس حتخسري كتير اوي، وبعدين مننساش نفسنا كنتي ايه وقتها وعمرو دياب كان ايه، وبكره السن اللي بتتكلمي عليه حتوصليلو بس متعرفيش شكلك حيكون ايه أوصحتك عامله ازاي و الأعمار بيد الله، خساره شرين عبد الوهاب نزلتي من نظري ونظر كل الناس، للعلم عمرو دياب من اصدقائي اللي انا بحبهم و بحترمهم و اللي أعرفه مهما كبر عمر ما حد من الجيل الجديد حيحقق أو حيوصل للمكانة ولا للنجاح زيه ، عمرو دياب ستظل رقم ١ ،، عمرو دياب خط أحمر».

يُذكر أن شيرين عبدالوهاب انتشر لها فيديو من حفل زفاف عمرو يوسف وكندة علوش، وجهت فيه اهانة للفنان عمرو دياب قائلة: «كبر وراحت عليه»، مما أثار استياء نجوم الفن والجمهور.