فوز منتخب مصر على المغرب يمنح نشوى مصطفى دعوى على الغداء.. شاهد
هناك رابط قوي بين فريق نادي الزمالك وبين الحياة الزوجية للفنانة نشوى مصطفى، حيث يحرص زوجها على الاهتمام بها بشكل أكبر عند فوز نادي الزمالك.
نشوى كشفت عما حدث بينها وبين زوجها بطريقة مرحة بعد مباراة مصر والمغرب، وكتبت عبر «فيس بوك»: « حوار بين واحدة صاحبتى وجوزها هو ::- صباح الخير ياحبيبتى، هي لا ترد، هو: نوشة بقولك صباح الخير، هى ::- تنظر اليه فى دهشة بعينين مبرقين وبوق مفتوح وتنظر خلفها وفى ارجاء غرفة المعيشة وتقول -- انت بتقولى انا صباح الخير وكمان ياحبيبتى وكمان يانوشة هو::- وايه الغريب فى كده هى ::- الغريب ان اخر مرة اسمعك بتقول لى يانوشة كانت واحنا مخطوبين --- واخر مرة قلت لى ياحبيبتى وانا بافوق من البنج لما كنت باعمل عملية واخر مرة قلت لى صباح الخير كان على واتساب لما كنت مسافر -- دايماً لما بتصحى من النوم بتنده وتقولى نشوى انا صحيت -- فطار وشاى بسرعة علشان نازل -- كأنى عثمان او عبدو السفرجية بتوع جدو الباشا».
نشوى أضافت: « عايزك ماتستغربيش لانى ممكن اعمل كده تانى الاسبوع ده هى :::- ليه انت عامل عاملة ولا اتجوزت عليا فى السر ولا ايه هو ::- انت مش فاكرة اللي حصل امبارح --- مصر فازت على المغرب هى ::- يعنى علشان كده بتدلعنى -- بس غريبة ماهى مصر فازت قبل كده ومادلعتنيش هو ::- بس مين اللي جاب الحون امبارح-- كهربا -- وكهربا -- ايه ؟؟؟ هى ::- كهربا انسان هو ::- مش انسان عادى -- ده زملكاوى هى ::- ترفع ايديها الى السماء وتدعى -- الهى يكرمك ياكهربا --- الهى يجعلك فى كل ركلة جون -- الهى الزمالك يغلب الماتش الجاى مع بوركينا فاسو بالمناسبة -- صاحبتى جوزها عازمها على الغدا النهارده --- لوحدهم من غير الولاد -- تقريباً حيطلبها للجواز، أي تشابه للأسماء يمت للواقع بصلة».
