عيب في وجه أمينة خليل تسبب في رفض المخرجين لها لمدة 6 سنوات

كشفت الفنانة المصرية أمينة خليل سرا لجمهورها تذكره لأول مرة، حول عيب في وجهها تسبب في تأخير دخولها مجال الفن لمدة 6 سنوات.

الفنانة المصرية قالت، خلال اشتراكها في أمسية "تيدكس": "من حوالي 6 سنوات أخذت القرار إني أكون ممثلة، فقعدت مع مخرجين كتير أوي، فكانوا بيقولولي انتي هايلة وشاطرة أوي بس مناخيرك وحشة، لازم تعملي عملية تجميل في مناخيرك".

وأضافت: "وصلت لمرحلة أني لما ببص في المراية مش بشوف غير مناخيري الكبيرة واني وحشة، فقررت إني أعمل العملية، فحجزت مع دكتور لكن قبل العملية بيومين وقعت من على السلم وأصيبت في وشي ومناخيري فكلمت الدكتور قالي مش هينفع أعملك العملية دلوقتي، فحسيت براحة كبيرة".

وتابعت: "فلاقيت نفسي مش مرتاحة إني هعمل العملية فسألت نفسي أنا هعملها ليه؟ علشان أبسط الناس وأبسط المخرجين؟، كنت هغير من شكلي تماما طول عمري علشان أبسط ناس تانية وده غلط، فقررت إني مش هعملها".