هيفاء حسين تفتح النار على بعض فنانات الخليج: رخيصات تنشرن الفساد والعري
فتحت الفنانة البحرينية هيفاء حسين النار على بعض فنانات الخليج، ووصفت بعضهم باستغلال جمالهن من أجل الشهرة دون مراعاة لعادات وتقاليد مجتمعهن الخليجي.
هيفاء كتبت، على حسابها على "انستجرام": "يسقط الجمال لما البنت تتحمس أكثر من اللازم وتبدأ تترقص وتتفصخ امام العالم وما تحترم نفسها ولا المجتمع المحافظ والعادات والتقاليد. شي يفشل".
وأضافت: " انصح كل بنت ما تتأثر باللي تشوفه على السوشل ميديا من صور وفيديوهات سيئة ومقززة لحريم وامهات عيال رخصوا باعمارهم وطلعوا للناس بشكل يسيء لسمعتنا كخليجيين ويشوه صورتهم امام الجمهور والمتابعين".
وتابعت: "يا حرمة على الاقل احترمي عيالج اللي هم اول ناس يتفشلون من تصرفاتج التافهة.. واذا ما يهمونج عيالج فكري في الاطفال والبنات المراهقات اللي متابعينج.. هل هذي سلوكيات تبين تاثرين بها على الاجيال ؟ استغفر الله بس .. انا فعلا مشمئزة من الفيديوهات المنتشرة لبعض اللي يسمون نفسهم مشاهير .. وهم فعلا الاشهر في التعري والرخص ونشر الفساد.. اتمنى من الاعلام وقف هذي المهزلة والمرض اللي منتشر بيننا وشن حملات لتنظيف الساحة الفنية والاعلامية من هالاشكال".
ووجهت نصيحة للفتيات، بقولها: "يا بنات انصحكم حافظوا على سمعتكم وسمعة بلادكم واتركوا عنكم هالمشهورات الرخيصات اللي مكرسين وقتهم في التفاهات ونشر الفساد والعري بلباسهم وضحكاتهم .. انتم اكبر من هالامور واهلكم مربينكم على العفة والنظافة والعلم والثقافة بعيدا عن الاسفاف والرخص".
وأضافت: "سامحوني تكلمت بحرقة.. لان بصراحة الكل يشوف وساكت من فنانين واعلاميين.. ما في احد تطرق لهالموضوع وحاول يوقف هالمسخرة اللي حاصلة في الاعلام .. اتمنى هالموضوع يوصل للجهات المسؤلة ووقف نشاط اي اعلامي او فنان يسيء لسمعة مجتمعنا وبلادنا في كل دول الخليج تحديدا".
واختتمت كلامها بقولها: " "سمعتنا وسمعة مجتمعنا وبلادنا امانة واذا بعض المشهورات ما تربوا على هالمبدأ فلا بد منا ومن المجتمع يربيهم من جديد عشان نوقف هالوباء المنتشر".