شيرين رضا وغادة عادل تزوران مصابي انفجارات مارجرجس والمرقسية.. صور
قامت الفنانة المصرية شيرين رضا ومعها الفنانة غادة عادل بزيارة مصابي انفجارات الكنائس بمستشفى معهد ناصر بعد أن سبق وزارهم عدد آخر من الفنانين، إثر انفجار كنيستي طنطا والإسكندرية الذي راح ضحيته العشرات، وكان معهما الفنانة ندى بسيوني ونهال عنبر.
الفنانة شيرين رضا نشرت صورة لها مع غادة عادل وكتبت: « النهاردة كان ليا الشرف إني أزور بعض مصابي الانفجارات، ومهما حاولت أشرح مش ممكن هقدر أُوصِف قد إيه الناس دي متسامحة مع اللي حصل شاب فيهم قالي "أنا مسامح اللي فجر نفسه وقتل كل زمايلي وبقوا أشلاء جنبي، وكمان بدعيله في كل صلاة، هو وكل داعش، إن ربنا يهديهم لأني خايف عليهم يروحوا حتة وحشة، لأن البني آدم عند ربنا حاجة كبيرة أوي واللي هو عمله ده ربنا مش راضي عنه فلازم أدعيله كتير».
شيرين أضافت: «ا تكلم عن إن الدين قائم علي الحب والمغفرة وإن الإيمان بالله معناه الإيمان بالحب لكل مخلوقات الله. الناس مسامحة وراضية وعندها كمية حب جواها أنا عمري ما شفتها شكرًا مستشفى معهد ناصر للبحوث والعلاج وكل القائمين عليه لحسن معاملة للمصابين بشهادة المصابين وعائلتهم، وحسن استقبالكم لنا.. فخورة إني قابلتهم واتعرفت عليهم وبتمني لهم الشفاء العاجل.. النهاردة اتعلمت حاجة جديدة.. المعني الحقيقي لكلمة تسامح».
