كندة حنا تكشف عن تجربتها الصعبة مع التمثيل وترد على منتقديها

شنت الفنانة السورية كندة حنا، هجومًا حادًا على مهاجميها بسبب صورها، مؤكدة أنها عانت كثيرًا لكي تتخلص من عقد المجتمع.

كندة حنا، قالت عبر صفحتها الشخصية بموقع «فيس بوك»: «تجربتي كممثلة كانت تجربة صعبة مليئة مصاعب وتطلبت مني كتير من الجرأة لقدرت واجه بعض من عقد الحياة والمجتمع... المجتمع بكتير من الأحيان بضعف المرأة وبقلة ثقتها بنفسها.. المرأة لازم تكون طموحة بس بحدود.. المرأة لازم تكون ناجحة بس مو كتير مشان ما تهدد مكانة الرجال».

وأضافت: «في كتير بنات وشباب بالمجتمع بكون محصورين بعقد المجتمع وماعم يقدروا يطلعوا منها بصيروا بحابرو أي حدا قدر يطلع من هي العقد ويشتمو لأنو ما حدا بيرضا يسبق حدا على النجاح. كتير صفحات على السوشال ميديا بتهاجم الممثلين او الفنانين أو أي حدا مجرد يحسو بغيرة منو لانو مو متل مو مرسوم براسهن».

وأختمت: «وبغض النظر إذا هاد الشخص عم يعمل شي حلو أو بشع قبل ما نقيم أي شخص مو عاجبنا ومامنعرفو نحترموا لأن منكون عم نحترم حالنا أو إذا عنا مراية نطلع فيها ونحكي مع حالنا شوي ومين نحنا شو عم نعمل وبعدين نحكم على الآخرين لأنو اغلب الناس لي عندها عمل وشغل بالحياة لايمكن انها تفكر بغيرها بس الناس الفاضية دائما هي سبب كل المشاكل وبتحاول تطلع كل عقدها على غيرها».