جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

سالي عبدالسلام: حلمت بالسيسي في المدينة المنورة

السبت 29 ابريل 2017 | 02:32 مساءً
القاهرة - Gololy
443
سالي عبدالسلام: حلمت بالسيسي في المدينة المنورة

أكدت الإعلامية المصرية سالي عبدالسلام أنها حلمت بالرئيس عبدالفتاح السيسي أثناء تواجدها في المدينة المنورة، لزيارة المسجد النبوي بعد أدائها مناسك العمرة.

سالي قالت: "انا مليش فى السياسة ولا بحبها! ومهما احنا فهمنا فيها فى حجات كتير اوى ..اوى ناقصة ومش هنعرفها وبتبقى من تحت لتحت وده رإيى ؛) القناة الأولى كانت جايبة الريس قبل ما انزل #المسجد_النبوى_الشريف وانا حلمت بالرئيس هنا! والله حصل!".

وأضافت: "بس الراجل ده شايل كتير اوى .. ب١٠٠ راجل قبل ما يبقى رئيس بلد.. هاتلى حد يثق فى رجالته وشعبه ويغامر ويشيل كفنه على ايده ويخلصنا من حجات كتير!سيادة الرئيس عبد الفتاح السيسى .. انت راجل عظيم.. انا حبيتك من حب امى وابويا ليك وربنا يقدرك.. كفاية ان الواحد فخور انه مصرى وهو هنا فى #السعودية وشوفوا الناس بتحبنا ازاى وبتقول عليه ايه❤".

وتابعت: "اه احنا مضغوطين كلنا بس شال حمل تقيل ولسه هيشيل و احنا معاه.. ده انت لما باباك بيقولك هنضطر نقلل المصاريف عشان احنا فى ضيقة مبتفتحش بوقك! وانا من الناس اللى تضررت معلش هنستحمل بس نعيش فخورين اننا مصريين.. معلش هنستغنى عن رفاهيات كتير وانا اول الناس بس يبقى ليا بلد يحلم العالم بيها.. معلش هحاول بس ابقى مصرى والناس عارفة يعنى ايه #مصر.. شعب ملوش كتالوج اقسم بالله! احنا اللى خلينا الاحتلال طفش مننا.. احنا معروفين مفيش حد زينا ❤ اتغاظت من زمايلى اللى قابلوك! بس نفسى اتكلم بلغتى وعلى طبيعتى عن بلدى انا مش شبههم فى الرسميات".

وكانت سالي عبدالسلام قد سافرت مؤخرا للأراضي المقدسة برفقة والديها وشقيقها، لأداء مناسك العمرة هناك.

سالي عبدالسلام
سالي عبدالسلام
سالي عبدالسلام
سالي عبدالسلام
سالي عبدالسلام