عمرو محمود ياسين يرد على هجوم أحمد حسن على وزير الأوقاف

رد الفنان عمرو محمود ياسين، على هجوم كابتن أحمد حسن لاعب منتخب مصر السابق، على وزير الأوقاف محمد جمعة، بعد قراره بمنع استخدام مكبرات الصوت في صلاة التروايح خلال شهر رمضان.

عمرو محمود ياسين، قال عبر صفحته الشخصية بموقع «فيس بوك»: «هو يا كابتن انت بتدخل المسلسلات في الموضوع ليه.. commercial قوي التعليق بتاعك ده.. عموما الفيصل في الموضوع هل هناك ثمة ارتباط بين أداء الصلاة اي صلاة والصوت العالي؟ هل لا تصح الصلاة دون مكبرات صوت؟ المسلسلات دي في التليفزيونات اي حد يقدر يتجنبها ويفتح اي قناة مابتجبش مسلسلات مفيش حد مجبر انه يشوف مسلسل».

وأضاف: «ويبقى السؤال الرئيسي هل أفسد وزير الأوقاف صلاة التراويح عندما منع مكبرات الصوت؟ مجرد سؤال.. أصل صلاة التروايح مش عايزة دعاية دي الجوامع بتكون فوق بعضها والناس واعية كويس قوي إن ده شهر عبادة لو في مليون مسلسل».

يذكر أن أحمد حسن، قد شن هجومًا حادًا على وزير الأوقاف عبر صفحته الشخصية بموقع «فيس بوك»، قال فيه: «بلا شهر القرآن بلا شهر رمضان.. بلا كلام فاضي، إحنا نقضيها مسلسلات وبرامج تافهة وسهرات هوه دا رمضان!! مين قال إن رمضان شهر العبادة والقرآن.. هي مكبرات الصوت عملالكم مشكلة.. لا حول ولا قوة إلا بالله».

و أضاف: «بعد منع وزير الأوقاف لمكبرات الصوت في صلاة التراويح، الناس خارج المسجد هتصلي إزاي؟ طيب ما تمنع صلاة التراويح أحسن ونقضيها مسلسلات».