تعرف على طقوس سعد الصغير في رمضان وسر بنائه للمسجد

تحدث الفنان الشعبي، سعد الصغير، عن طقوسه في شهر رمضان، قائلًا: إنه يسافر السعودية قبل بداية رمضان بأيام ليؤدي العمرة،  ويعود بعد أسبوعين.

وأضاف في حواره مع «اليوم السابع»: «أنه أدى العمرة 7 مرات وحج مرة واحدة فقط»، مؤكدًا أنه كان يتمنى أن يعتزل الغناء بعد الحج حتى لا يقوم بعمل ذنوب جديدة.

ودافع سعد الصغير عن نفسه قائلًا: «والله العظيم أنا عمري ما شربت خمرة، وحريص أنى لا أقول ألفاظا خارجة في الأغاني والأفلام، الغنا مش حرام بس مشكلتي في الرقص، بتطلع معايا رقاصة، والناس أتعودت تشوفني بارقص ولو خففت الرقص في فرح ولا حفلة الناس بتزعل».

وتابع: «بطلت أشتغل في ملاهي ليلية لأن علشان الواحد يشتغل فيها لازم يصاحب البنات اللي هناك، وفى بدايتي كنت باصاحبهم علشان يشغلوني».

وتحدث سعد الصغير عن سر بنائه  والذي أثار حالة جدل واسعة وأفتى البعض بعدم جواز الصلاة فيه، قائلًا: «أخويا توفى منذ 7 سنوات فجأة وكان عمره 22 سنة وساب طفلين، وأمي كانت بتقعد في البلكونة وتبكي وكان قدامنا قطعة أرض فاضية بتاعة جيراننا المسيحيين اللي كنت باشتغل عندهم وأنا صغير، روحت للمقدسة صاحبة الأرض وقلتلها عاوزها أبني عليها مسجد ومش معايا فلوس، الست فورا جابت المحامى وكتبتلي العقد بدون ماتاخد ولا مليم وفعلا بنيت المسجد علشان أمي لما تبص قدامها تشوفه وتتصبر على فراق أخويا، وبعدها لقيت شركة تويوتا وجهينة بيكلموني أعملهم إعلانات وجبت شنطة فلوس وأديتها للمقدسة».