جملة تتسبب في هجوم جمهور تامر حسني على رامي صبري.. والأخير يعلق

فوجئ نشطاء مواقع التواصل الاجتماعي بجملة نشرت على حساب الفنان المصري رامي صبري أساءت للفنان تامر حسني.

الجملة كانت عبارة عن: "أغنية رامي صبري الجديدة "راجل" أحلى من فيلم تامر حسني"، وهو ما أثار غضب جمهور تامر بشدة، واعتبروا أن هذه الجملة إساءة صريحة له، وشنوا هجوما حادا على رامي.

رامي حذف هذه التدوينة على الفور، وأكد أنها نشرت على حسابه عن طريق الخطأ، حيث قال: "البوست اللي نزل امبارح علي صفحتي اللي بيخص تامر حسني انا مسحته بنفسي عشان مبحبش حد يغلط او يقلل من نجاح حد من زمايلي".

وأضاف: "وتامر اخويا وصديقي ووليد منصور منتج الفيلم اخويا وصديقي من ايام الدراسه ومن واحنا عيال.. فا مستحيل ابدا انزل بوست في اساءه لحد مش انا ومش اخلاقي اما بالنسبة للناس اللي حتطط رقمي online فانا معنديش اي مشكله ان الجمهور يكلمني لاني بشتغل للجمهور مش لنفسي .. اما بالنسبي للشتايم وقله الادب فا ربنا موجود والله يهديكم ".

واختتم كلامه بتهنئة لتامر على فيلمه الجديد "تصبح على خير"، بقوله: "أخيرا مبروك لتامر فيلمه وان شالله يبقي احسن فيلم في تاريخه تامر موهوب وناجح وده شي مش انا اللي هقولو دلوقتي.. ومبروك لوليد منصور ومبروك لصديقي المخرج العظيم محمد سامي".

يذكر أن فيلم «تصبح علي خير» من بطولة تامر حسني ودرة و مي عمر ونور و من تأليف وإخراج محمد سامي و من إنتاج وليد منصور.