جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

مي كساب تدافع عن غادة عبدالرازق وتثير غضب الجمهور

الاربعاء 05 يوليو 2017 | 06:03 صباحاً
القاهرة - هويدا أبوسمك
343
مي كساب تدافع عن غادة عبدالرازق وتثير غضب الجمهور

دافعت الفنانة المصرية مي كساب عن الفنانة غادة عبدالرازق بعدما قامت الأخيرة بنشر فيديو اعترفت من خلاله بنشر الفيديو وطلبت مسامحة الجمهور.

مي كتبت عبر موقع «أنستجرام»: «أنا عمري في حياتي ما بقول غير الحق ابويا رباني علي كده ودي شهاده حق وواجب عليه لازم اعمله انا بقالي ١٧ سنه بأشتغل في المهنه دي مثلت تقريبا مع كل الوسط الفني #غاده_عبدالرازق من اجدع وانضف الشخصيات اللي ممكن تشتغل معاها ست جدعه وأم حنينه جدا لبنتها الطياره المحترمه روتانا قزاز انا اشتغلت معاها حنينة وجدعة معايا ومع غيري».

الفنانة مي كساب استرسلت في دفاعها عن غادة وأضافت: «بتحترم شغلها وبتحب الكبير والصغير موهبه عظيمه وكبيره استاذه وانا شاهده انها مش بتعرف تنام غير لما تاخد دوا فعلا وناس كتير عارفه تأثير الدوا المهديء ده ايه اعتذارك حاجه كبيره ومحترمه منك ودموعك غاليه جدا ما تضايقيش نفسك ربنا غفور رحيم وهوه ارحم من البشر بكتير وكل إنسان بيفهم ويري بعينه هوه وانا عن نفسي صدقتك وفخوره بيكي ربنا يخليكي لبنتك وأحفادك وكل اللي بيحبوكي».

جمهور مي طلب منها ألا تتدخل في هذا الأمر وأن تبتعد عنه وغضب منها البعض بسبب دفاعها عن الفنانة غادة عبدالرازق.

يُذكر أن غادة اعتذرت لجمهورها من خلال فيديو نشرته وأكدت أنها كانت مخدرة عندما نشرت الفيديو الذي سبب ضجة حولها.