سالي عبدالسلام تصدم جمهورها بما حدث لشعرها.. شاهد
صدمت الإعلامية المصري سالي عبدالسلام جمهورها، بكشفها عن إصابتها بالصلع في بعض مناطق من فروة رأسها.
سالي نشرت صورة لجزء من فروة رأسها وهو خال من الشعر تماما، على حسابها الخاص على "انستجرام"، وعلقت بقولها: "اصدمكم اكتر !! لكل حد كتب كومنت على راسى والله.. انا بقرأ الاذكار كل يوم!! مبفوتش فرض وبالسنن وقيام الليل الحمد لله ..المعوذات قبل ما انزل!!! القرأن والبخور كل يوم!! كل يوم والله..وبحلف!! بس والله كدة كتير عليا! انا تعبت".
وأضافت: "عمرى ما كنت بركز في الحسد بس مؤمنة بيه.. مبركزش من كتر ما بتتقالى انتى محسودة والناس مركزة معاكى بزيادة؟!!! ايجوا يشوفوا الواقع.. ولا حاجة بتكمل فى جميع النواحي الحمدلله..عمرى ما زعلت على شغل راح او جوازة او عربية او صحاب وببقى عارفة ان ده تركيز وناس بتتمنى زوال النعمة منك اعوذ بالله ربنا يديهم اضعاف اضعاف اللى بيفكروا بس فيه..لكن فى شعرى الاقيه كدة امبارح فجأة لا!!!! كدة كتير و قوق طاقتى يا ربى".
وتابعت: "لما الاقى جروبات كتير بتتكلم على شعرى ويا ترى ده اكستنشن ولا زفت والا ولا كلمة ما شاء الله او اللهم بارك كله غل او يقول ده مش شعرها وانا اتبرع واحط صوري وانا صغيرة عشان اقولهم دي طيبعة شعر مش طريقة معينة للاهتمام عشان محدش يضحك عليكم بحسن نية للى بيسأله ويحصلى بعدها كدة.. فى شعرى ٣ مناطق مفيهاش شعراية!! الاقى بوست زى ده معمولى اكتر من ٢٠٠ منشن فيه و على الواتس اب والماسنجر واقرب صحاب ليا زعلانين ويقولولى ربنا يستر عليكى بجد دول عينيهم وحشة هيحصل حاجة!!!! وانا اكبر واضحك...لا اهه حصل!!! كدة كفاية والله..والله كفاية ! مفاضلش غير شوية الرضا وتقبل الدنيا اللى مخلينى قادرة اكمل..ابوس ايدكم بلاش دول كمان!".
واختتمت كلامها، بقولها: "ده مش هزار ممكن تأذى حد غصب عنك او نفسك و بتحصل فعلاً لازم تقول ماشاء الله او اللهم بارك وصفى نيتك! السوشيال ميديا بجد ضيعتنا كلنا!! أعوذ بكلمات الله التامات من شر ما خلق. أعوذ بكلمات الله التامة من كل شيطان وهامة ومن كل عين لامة..#حسبى_الله_ونعم_الوكيل.. وبعد كدة هقول فى وش اى حد واحرجه او حاسد هقوله وربنا لازم يردهالى اللى مبيضيعش عنده حق حد..الحمد لله.
