عادل إمام يطالب إسعاد يونس بتغيير اسمها لهذا السبب
كشفت الفنانة المصرية إسعاد يونس، عن تلقيها مكالمة خاصة من الفنان الكبير عادل إمام، قامت بنشر تفاصيلها عبر صفحتها الشخصية بموقع «فيس بوك».
إسعاد يونس، قالت عن تفاصيل المكالمة: «ده الأستاذ، والنعمة هو، الزعيم عادل إمام بذات نفسه، يا حلوللي
- آلو، معقولة؟، التليفون نور يا زعيم
- انا عايزك تغيري اسمك
- أنت تؤمر يا أستاذ يا حبيبي، أخليه إيه؟
- يارب يخليك يا حبيبي، "مخضوضة وصوتي بيحشرج بالعياط".- بتكلم بجد، إنتي ما بقيتيش إسعاد يونس، إنتي بقيتي إسعاد مصر
- ( عياط )
- أنا ما بفوتلكيش حلقة يا إسعاد، إنتي بتسعديني وبتسعدي مصر كلها.
واضافت: "بقية الكلام جميل ورائع و مختلط بدموعي بجد، يا حبيبي يا حبيبي يا حبيبي، مش عارفة أقول حاجة غير كده، و مش عارفة أقول حاجة تاني لحد دلوقتي، كبيرة منك يا كبير، ربنا يخليك ليا ويبارك في كل لحظة ف عمرك، بحبه يا ناس حب بحجم موهبته وكاريزمته وصموده وبكل دقيقة من سنين العشرة الطيبة الجميلة".
يذكر أن سعاد يونس، شاركت عادل إمام في عدد من افلامها الفنية في بداية مشوارها الفني ومنها "شعبان تحت الصفر".
من ناحية أخرى تواصل إسعاد يونس تقديم حلقات برنامج «صاحبة السعادة»، وهو البرنامج الذي حقق نسب نجاح كبيرة جدا على مدار سنوات متتالية.
