جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

إنجي وجدان تفاجئ جمهورها وتفقد الكثير من وزنها.. كيف علقت؟

الاحد 10 سبتمبر 2017 | 11:11 صباحاً
القاهرة - سارة إبراهيم
824
إنجي وجدان تفاجئ جمهورها وتفقد الكثير من وزنها.. كيف علقت؟

فاجأت الفنانة المصرية إنجي وجدان جمهورها بنشرها صورتين، إحداهما التقطت لها منذ سنة والثانية صورة حالية لها.

الصور التي نشرتها الفنانة المصرية، على حسابها الخاص على موقع "الفيس بوك"، كشفت عن خسارتها للكثير من وزنها، بصورة أبهرت جمهورها.

إنجي علقت، قائلة: "ده انا من سنة بالضبط بالفستان المخطط وده انا دلوقتي بالفستان الطوبي. خسيت كتير بس مش علشان حد علشان نفسي بس. وده مش معناه اني مكنتش حابة نفسي العكس انا كنت حابة نفسي لان وزني ده كان بسبي ان خلفت احلى اسماعيل في الدنيا".

وأضافت: "عايزة اقول لكل بنت تخنت في الحمل انت جميلة وعملتي احلى حاجة ممكن اي واحدة تعملها انها تحمل و تكون جواها طفل جميل. ملكيش دعوة برأى الناس خليك حاسة بكل حاجة حلوة. وانت لو عايزة تخسي علشان انت بس، هتقدري".

واختتمت كلامها بقولها: "الحياة احلى و اسهل من اننا نعقد نفسنا علشان شوية ناس تافهة و فاضية و سطحية. لو هتخسي اعملي كده لنفسك و صحتك مش علشان جوزك و لا طنط الي شافتك و اتخدت انك تخنتي قوي كده ازاي. اتبسطي و حبي الحياة هتعيشي مبسوطة سواء تخنتي و لا خسيتي".

وكانت إنجي وجدان قد وضعت مولودها الأول في شهر فبراير عام 2016، وقد نشرت مجموعة صور له وهو طفل رضيع، وأخفت وجهه في الكثير من الصور.

انجي وجدان
انجي وجدان
ابن انجي وجدان
انجي وجدان