حسن الرداد يستعين بطفل مصاب بالسرطان.. صور

حقق الفنان المصري حسن الرداد حلم طفل مصاب بالسرطان يدعى "محمد"، كان يتمنى مقابلته، بأن قام بزيارته في مستشفى سرطان الأطفال 57357.

حسن التقطت الكثير من الصور مع الطفل، الذي بدت عليه السعادة الشديدة برؤيته للفنان المصري، وقد وعده الأخير بالتمثيل معه في مسلسله الرمضاني المقبل.

الفنان أكد أن زيارته للطفل حسنت من حالته الصحية كثيرا، وزادت من مناعته، حيث قال: "النهاردة روحت مستشفى #٥٧٣٥٧، بعد ما كلمنى صديق ماشفتوش من ٧ سنين اسمه #خالد الشرقاوي، و قالى ان فى طفل اسمه محمد ، بيحبك جدا وعايز يشوفك والمناعة عنده ٣٠٠ فقط ( و دى طبعا قليلة جدا) و بعت لى ڤيديو، ولما رديت عليه بڤيديو المناعة عنده زادت ل ٣٥٠٠ و النهاردة المناعة بتاعته وصلت ل٤٥٠٠ بعد ما الدكاترة كانوا بيقولوا كلام علميا عكس كدة".

وأضاف: "لما روحت وقابلته شفت ولد ماشاء الله زى القمر، ذكى جدا، فاهم فى حاجات كتير اكبر من سنه وبيحتوي اللى حواليه، دمه خفيف جدا وموهوب، لماح بشكل مش طبيعى أتكلم معايا فى حاجات كتيرة انا مش عارف هو فاهم فيها ازاى، ماشاء الله عقله اكبر من سنه بكتير تحس ان عنده ٢٠ سنه واكتر ،انا اتعلمت منه حاجات كتير النهاردة ، اتعلمت الإيمان والصبر على الابتلاء ومواجهة المشاكل بالابتسامة والرضا الشديد بقضاء ربنا و الطاقة الإيجابية اللى بيديها لكل اللى حواليه".

وتابع: "اللى كان مزعله بس ان الأطفال فى المدرسة لما عرفه انه تعبان كانوا بيتريقوا عليه فاياريت الاهالى يفهموا اطفالهم ان دى قلة أدب، يا محمد انا بحبك جدا جدا، ربنا يشفيك يا حبيبى انت وكل اطفالنا وان شاء الله هتيجى تمثل معايا فى رمضان زى ما وعدتك، و شكرا على الهدية الجميلة دى، هجيلك تانى قريب ، يا ريت كل واحد يتبرع بجزء من وقته لاطفالنا الجمال دول عشان ده شئ كبير جدا بيهون عليهم القعدة بتاعتهم فى المستشفى".