جولولي | أمير طعيمة ينتقد عماد الدين أديب ويعاتبه بهذه الرسالة
  • كمال الشناوي
  • مايا دياب
  • يونس شلبي
  • شمس البارودي
  • رشدي أباظة
  • كيم كاردشيان
  • أوزجي جوريل
  • مونيكا بيلوتشي
  • ريهام حجاج
  • ريم مصطفى
  • ياسمين صبري
  • محمود عبد العزيز

القاهرة_ Gololy

انتقد الشاعر الغنائي أمير طعيمة، الإعلامي عماد الدين أديب، بعد استضافته لعبدالرحيم المسماري أحد المشاركين في عملية الواحات.

أمير طعيمة، قال عبر صفحته الشخصية بموقع «فيس بوك»: «على عكس الكثيرين أنا مش ضد إن ا. عماد الدين أديب يستضيف إرهابي، بس أنا ضد المسار اللي سارت فيه الحلقة».

وأضاف: «أولا: من المعلوم مسبقا لأي طفل في ابتدائي إن الإرهابي ده شخص لديه عقيدة قوية خاطئة إن نتيجة أفعاله هي الشهادة و جنة عرضها السموات و الأرض، هو مؤمن بكده و بيضحي بحياته طمعا في الجائزة الكبرى دي .. ثانيا: مش مطلوب من أستاذ عماد أو أي إعلامي إنه يبقي فقيه في الدين، و عليه فكان من الواجب أن يستعين أستاذ عماد بعالم دين و مش أي عالم دين إن شالله كان يجيب شيخ الأزهر نفسه فالأمر يستحق».

وتابع: «اللي حصل إن الإرهابي كان هادئ و علي يقين بصحة أفعاله و كمان بيعضد أفكاره بآيات قرآنية و أحاديث نبوية و كان يجب أن يرد عالم دين بالتفسيرات الصحيحة اللي تواجه أفكار الإرهابي الخاطئة بأفكار صحيحة مقنعة، فيه شباب كتير متطرفين أو علي حافة الإرهاب كان من الممكن لما يلاقوا حجة العالم الديني أقوي من الإرهابي يعيدوا تفكيرهم، تخيل ما هو أبعد كمان إن لو عالم الدين ده أفحم الإرهابي و أثبت عجزه علي الملأ و شككه هو نفسه في أفكاره و أنتزع منه و لو حتى نظرة ندم و شك أمام الملايين كان كم النتائج الايجابية هيكون إيه».

ووجه رسالة لعماد الدين أديب قائلًا: «يا أستاذ عماد أنت بتحاور إرهابي و بتسأله أنت بتنام بليل و ضميرك مرتاح؟، و بتقنعه إن أفعاله ضد قانون وضعي هو أصلا بيحاربه و مش معترف بيه، هو أنت بتكلم راجل دولة عشان تقوله انتخابات و رغبة شعبية و حاجات هو أصلا هدفه تغييرها؟، للأسف نتيجة الحلقة إني جبت إرهابي عرض و نشر أفكاره بدون أي مواجهة أو محاولة إثبات لخطأها، الإرهابي ده هيعدم لا محالة بس إحنا فوتنا فرصة إننا نعدم أفكاره أمام آلاف من المتأرجحين بين الإرهاب و الحياة الإنسانية السوية».



عدد التعليقات (0)

الاسم (مطلوب):

ما هو مجموع 5 + 7

أخبار الرئيسية: