حديث نسائي بين بلقيس وكارمن سليمان حول الحمل.. وزوج الأخيرة يعلق
يبدو أن الفنانة اليمنية بلقيس تعاني في حملها بطفلها الأول، فقررت أن تستشير صديقتها الفنانة كارمن سليمان، حيث أنها في الشهور الأخيرة من حملها في طفلها الأول أيضا.
بلقيس وجهت سؤالا لكارمن، على حسابها على "تويتر"، بقولها: "إيه يا كارمن، الحمل عامل معاكي إيه يا اختي؟"، فردت الأخيرة: "الحمد لله، جميل والله، الواحد حاسس إنه بينام بس ربنا يسهل عليكي حملك يا رب وتقومي بالسلامة، وتجيبي لنا بيبي قمر زيك نلعب معاه إن شاء الله".
فسألتها بلقيس: "طبيعي انه بيرفس كل خمس دقايق؟! نوريني والنبي"، فأجابت كارمن: "حضرتك بيلعب كورة كل خمس دقايق عادي جدًّا" ، وعلقت بلقيس قائلة: "طاب الحمدلله أنا كدة اتطمنت" .
وسألتها كارمن عن حالها مع الحمل، قائلة: " طمنيني انتِ اخبار الحمل معاكِ إيه، انتِ لسه في الأول؟ هو الفكرة بس ان انا حاسة إني بقيت واحدة تانية كل حاجة اتغيرت كده، انا بعطس و بكُح في نفس الوقت من غير مقدمات"، فردت بلقيس: "انا باكل وبنام وبتكلم وبعمل كل حاجة في وقت واحد.. انا مش انا، انا تهت مني لا مش في الاول ده البطن ظهرت وبانت".
ووجهت بلقيس كلامها للملحن مصطفى جاد، زوج كارمن، وطالبته أن يعتني بها، فكشف الأخير عن معاناته مع حمل زوجته، حيث قال مازحا: " في عنيا وقلبي والله العظيم.. هندي وماشي وبنسمع وبنتفرج وتركي وفرنساوي وشغال وآخرنا لغة عربية فصحى وساكت أعمل إيه تاني".
