ياسمين رئيس تكشف عن عقدة تعاني منها.. وما علاقة عمرو جمال؟
كشفت الفنانة المصرية ياسمين رئيس، عن أزمة تعاني منها منذ دخولها المجال الفني بسبب اسمها.
ياسمين رئيس قالت خلال مشاركتها في برنامج «snl» بالعربي: «إنه على الرغم من مشاركتها في العديد من الأفلام ونجاح الشخصيات التي قدمتها إلا أن اسمها ما زال غير عالق بأذهان الجمهور».
وأضافت: «سألوني قالولي نفسك الناس تعرف إيه عني من خلال البرنامج، قلت أنا نفسي الناس تعرف إن اسمي ياسمين رئيس، بجد الناس بتبقى عارفة شكلي بتقابلني في الشارع تسلم عليّ، بس لحد اسمي يتلخبطوا، كنت في الأول بفتكر إن اسمي صعب شوية، وبعدين لقيتهم بينادوني بأسماء أفلام زي فتاة المصنع، هيبتا، إكس لارج، وأخيرا كابتن عمرو جمال».
وتابعت: «إن عمرو جمال ده مشكلة تانية خالص إن في ناس فاكره إني عمرو جمال، أو بيقولوا إني شبهه، الموضوع ده مش مضايقني لأنه عملي شهرة في الأوساط الكروية خلى الناس تقول اسمي صح، بس اللي مش قادرة افهمه ليه لما عمرو جمال بيلعب وحش، يتقاله ما تلعب عدل وتتعدل يا ياسمين يا رئيس».
