نادين الراسي تعبر عن وجعها بخاطرة مؤثرة.. اقرأها
فتحت الفنانة اللبنانية نادين الراسي قلبها للفانز، وأعربت عن إحساسها بحالة من الوجع والحزن بكلمات مؤثرة في خاطرة نشرتها عبر انستجرام.
نادين كتبت: «تعبِت إيّامي و سنيني، يا رَبّي لوَين موَدّيني ... ما بَدّي إضعَف قوّيني ارحَمني من نهاية حزيني ... احمي قَلبي من أنيني ارحمني تعبت من الوجع ... أنا اللي فيني مكَفّيني سامحني خُلِص الدّمع ... عيوني من حقوقي حَرَموني بكّير الرّصيد انقطع ... "من يوم اللي خلقت انجبلت بالحنّيّة و ما خلّيْت إذا موجوع لاقيت إِلَّا و عإيدو شدّيت بِعيونو الدّني حَلّيت و حملت معو الوجع .... هيك كبرت و تربّيت و بوجّ الدّني انحطّيت إرتكي من حيط لحيط تبيَوم قَلبي انشلع .... سقطوا عليّي حجار البيت والضّنا عن قَلبي انتزع .... حتّى إشتكي ما استرجيت و حمِّلُن همّ شو النَّفع .... بإيدي حالي ضمّيت و وعد عليّي حطّيت و لقلبي الرُّوح ردّيت يوم اللي الحقّ انتصر" ........ "بعدا كمَّلت المشوار و كْتَمت بقلبي الأسرار ما سمحت لحالي تنهار و مشيت الدَّرب بحذَر .... ما سلِمْت من سكاكين كتار من غَدر و ظُلْم الْبَشَر و بحرقة حمِلت الأضرار عن اللي خاطري كَسَر».
وتابعت: «همّي إحمي ولادي الصّغار من شرّ الدّنيي اللي انتشر و تغلغل بقلوب كتار عَمَصْلَحتهم و أنانيِّتهم فقَدو البصر" .... "وَحدي و لَحالي تحَمّلت و من التّجارب تعلَّمت بِعَزم و صدق كمّلت لا إنكسرت و لا استسلمت ..... قْسيتْ و قَسِّتني الدّني بطَّلت إسأل شو بِني حالي متل حال كتار انوجَدوا بمسرح هالدّني .... قَدَرُن يأدّوا أدوار و لمّا السّتارة تنحني سنينُن رح تنحفِر عحجار ان كان فقير أو غَني .... عقَبرُن رح يِبكوا كتار يِتِّهموا الموت الغدَار و من بعدا بِكم نهار بيحتفلوا برقص و أشعار "..... بيتناسوا إنُّن بشر بيخافوا عتم القبر بيتباهوا مين الجبّار و ظُلمُن عنوانوا النّصر ... و لو كان عحساب كتار آخر همُّن شو انكَسَر .... و كِلّ ما بتشرق شمس نهار بتخصُم يوم من السِّنة و بلحظة قضاء و قدر بتدقّ ساعة الصّفر "....... "ما بعمري الوقت تناسَيت حتّى الأنا الفيِّي تحدّيت و لغيت كلمة يا ريت و واجهت الظلم بصبِر .... ما بِنكُر مرّات اهتزَيت و ياما ركعت و صَلَّيْت و بأقسى المواقف انحطّيت و منّا أخَدت العِبَر ...... عن كِلّ الألم تعلّيت قَلبي يِحقُد ما خلّيْت بالكِتُب السّماويّة إحتميت تالحُب بقلبي انتصر بضلوعي إحمي حجار البيت أطلُب من ربّي العُمر تكَبِّر الكِرمالُن ضحّيت و من بعدي يكَمّلوا بفخِر إنِّي الإم الما انزلّيت و واجهت بإيمان و صبر.. خواطر نادين الراسي».
فانز نادين تفاعلوا مع خاطرتها بتعليقات أعربوا فيها عن تأثرهم بكلمات الفنانة اللبنانية، في الوقت نصحوا فيه نادين بالبعد عن كل ما يثير أي طاقة سلبية حولها، وضرورة الإيمان بالله وبنفسها حتى تستطيع مواجهة الحياة بقوة وثقة.
من ناحية أخرى، انتهت نادين الراسي من تصوير خماسية «طفلي المتوحد» من مسلسل بعنوان «حدوتة حب»، من تأليف محمود حبّال، وإخراج وائل أبو شعر، وتشارك الراسي في بطولة هذه الخماسية إلى جانب مجموعة من الفنانين اللبنانين منهم جهاد الأندري، نور صعب، علي منيمنة، ميّ سحاب، رندة كعدي، وريمون عازار، ومن المقرر عرض المسلسل خلال الموسم الرمضاني المقبل.
