ضباط سابق يهاجم محمد رمضان بسبب «نسر الصعيد»

‎هاجم المتحدث الرسمي السابق للنادى العام لضباط شرطة مصر، هشام صالح، الفنان محمد رمضان بسبب دوره في مسلسله الرمضاني "نسر الصعيد"، حيث يجسد دور ضابط شرطة.

المتحدث السابق لنادي ضباط الشرطة، نشر صورة لرمضان، على حسابه الخاص على موقع "الفيس بوك"، وعلق قائلا: "أسوأ من جسد دور ضابط بوليس في التاريخ.. ناقصله بدله زرقا في احمر ويبقي سبايدر مان.. دخل ديسكو في شرم الشيخ وهو ظابط وقالهم انه ظابط وضرب الجاردات كلهم وخرج وراح عالشغل عادي...لا اتحقق معاه ولا حد اشتكاه ولا اتوقف ولا حصله اي حاجه، وراح يجيب اخطر مسجل في قنا باربع مخبرين بس".

وأضاف: "بتوصلو للناس حاجات غريبه ملهاش علاقه بالواقع.. انا يمكن شفت ظباط بتتخانق انما مشوفتهمش بيقلعو ملط وبيسرسجو... اسمع كلامي...اصلها مبتليقش علي اي حد...مش عمال علي بطال هي...البس البدله اللي علي مقاسك ".

وتابع: "وعلي فكره الموضوع مالوش علاقه انك كنت بتقدم افلام مسجلين.. احمد زكي عمل المدمن والهروب وكان الباشا وهو ضابط.. وعادل امام عمل مسجل خطر وسلام ياصاحبي وعمل النمر والانثى.. امير كراره كان ديلر في هروب اضطراري وبقي سليم الانصاري...الموضوع انها واسعه عليك".

واختتم كلامه قائلا: " ( انا مبنتقدش شكل...انا بنتقد اداء واسلوب ).. دي اسمها دراما بتستعرض عضلات بس...مبتقدمش حاجه او قيمة للناس زي ما المفروض يحصل".