إيمي طلعت زكريا تفتح النار على الوسط الفني بعد وفاة ماهر عصام

شنت الفنانة المصرية الشابة إيمي طلعت زكريا، هجومًا حادًا على الوسط الفني، وذلك لتخليهم عن الفنان الراحل ماهر عصام، وعدم الوقوف معه في شدة مرضه ووفاته.

إيمي طلعت زكريا، قالت عبر صفحتها الشخصية بموقع «فيس بوك»: «كلمه حق الشدة فعلا بتبين، موت ماهر عصام أولا الناس اللي بتكتب على الفيس، ماهر وحبيبي وعشرة عمري والجو ده كان نفسي أشوفكوا مشرفين في العزا أو الجنازة اللي هي بتاعت ماهر، أصل مش كل الوسط في روسيا بيتفرج ع الماتش ولا كل الوسط ف الساحل».

وأضافت: «للأسف أنا اتصدمت.. ماهر كان بيقف مع كل الناس في الوحش قبل الحلو ولما مات كام واحد بس اللي كانوا معاه هتكلم عنهم برضة بس كفاية بقا منظرة في أم الوسط الغدار ده ريحتنا بقت وحشة دي حاجة، الحاجة التانية زى ما في ناس وحشة وقالت ماهر مات خلاص، زى ما في أشخاص في نفس الوسط ده فوق الأخوات والرجولة والجدعنة وهنيئا ليك بيهم يا ماهر».

وتابعت: «هتكلم عّن الفنان الخلوق صاحب صاحبه محمد عبد الحافظ، لو أتكلمت عليك طول عمري مش هوفيك حقك ربنا يكرمك ويجازيك خير على كل حاجة عملتها لصاحبك وعشرة عمرك، أنا عارفة إنها كانت صعبة عليك بس أنت كنت قدها، تاني راجل المحترم أشرف زكي الذي لم يبخل بشيء على أي فنان في النقابة وموقفه مع ماهر لمثواه الأخير، وأيضاً الفنان أحمد صيام، والصديق المحترم الزميل حسن عيد، وماجد المصري، هاني حسن الأسمر، غير كده شكليات، يا بختك بالناس إللي بتحبك يا ماهر في الجنة إن شاء الله يا نور عيني كنت نعم الأخ والصاحب الجدع».

وكان الفنان ماهر عصام، قد تعرض لازمة صحية بعد إصابته بنزيف حاد في المخ، نقل على أثرها لمستشفى إمبابة العام، وتم نقله بعدها لمستشفى دار الفؤاد بالشيخ زايد، ليرحل عن عالمنا عن عمر يناهز الـ 38 عامًا.